Plane's Tire Burst During Takeoff in Florida: फ्लोरिडामध्ये टेकऑफ दरम्यान अमेरिकन एअरलाइन्सच्या विमानाचा टायर फुटला; थोडक्यात बचावला 174 प्रवाशांचा जीव
अमेरिकन एअरलाइन्सचे हे विमान फिनिक्स, ऍरिझोनाकडे जात होते. विमानाचा टायर फुटल्यानंतर विमानाच्या चाकाला आग लागली. आपत्कालीन प्रतिसादकर्त्यांनी सकाळी 8 च्या आधी (स्थानिक वेळेनुसार) दृश्याला प्रतिसाद दिला.
Plane's Tire Burst During Takeoff in Florida: फ्लोरिडा (Florida) मध्ये टेकऑफ (Takeoff) दरम्यान अमेरिकन एअरलाइन्स (American Airlines) च्या विमानाचा टायर फुटल्याची (Plane's Tire Burst) धक्कादायक घटना समोर आली आहे. या विमानात 174 प्रवासी आणि सहा क्रू मेंबर्स होते. सुदैवाने या प्रवाशांचे प्राण वाचले. अमेरिकन एअरलाइन्सचे हे विमान फिनिक्स, ऍरिझोनाकडे जात होते. विमानाचा टायर फुटल्यानंतर विमानाच्या चाकाला आग लागली. आपत्कालीन प्रतिसादकर्त्यांनी सकाळी 8 च्या आधी (स्थानिक वेळेनुसार) दृश्याला प्रतिसाद दिला. तथापि, विमानातील सर्व प्रवाशांना सुरक्षितपणे उतरवण्यात आले आणि टर्मिनलमध्ये बसवण्यात आले, असे एअरलाइनचे प्रवक्ते अल्फ्रेडो गार्डुनो यांनी सांगितले.
सोशल मीडियावर व्हायरल झालेल्या व्हिडिओमध्ये विमानातून धूर आणि ज्वाला बाहेर पडताना दिसत आहेत. बोईंग 737-900 विमानाचा टेकऑफच्या वेळी एक टायर फुटला. आता फेडरल एव्हिएशन ॲडमिनिस्ट्रेशन (FAA) या घटनेची चौकशी करत आहे. अमेरिकन एअरलाइन्स फ्लाइट 590 ने बुधवारी, 10 जुलै रोजी स्थानिक वेळेनुसार सकाळी 7:50 च्या सुमारास ताम्पा आंतरराष्ट्रीय विमानतळावरून टेकऑफ रद्द केले. त्यानंतर प्रवाशांना टॅक्सीवेवर उतरवण्यात आले आणि त्यांना टर्मिनलवर बसवण्यात आले, असं FAA ने एका निवेदनात म्हटले आहे. (हेही वाचा - Plane Crashes Off A Runway: सेनेगलमध्ये मोठा विमान अपघात; Boeing 737 धावपट्टीवरून कोसळले, अनेकजण जखमी (Video))
पहा व्हिडिओ-
#BREAKING: A Boeing aircraft flying as American Airlines Flight 590 from Tampa, Florida, has just averted a possible major disaster when several tires burst off the plane during takeoff.
GeneralMCNews pic.twitter.com/AptfqaMBuo
— Jack Straw (@JackStr42679640) July 11, 2024
अलीकडच्या काळात विमानाशी संबंधित अनेक अपघाताच्या घटना कॅमेऱ्यात कैद झाल्या आहेत. या आठवड्याच्या सुरुवातीला, युनायटेड एअरलाइन्सच्या जेटने लॉस एंजेलिसहून उड्डाण केल्यानंतर काही सेकंदात लँडिंग-गियर व्हील गमावले. एअरलाइनच्या म्हणण्यानुसार, फ्लाइट डेन्व्हरमध्ये सुरक्षितपणे उतरले गेले. या घटनेत कोणतीही दुखापत झाली नाही.
(The above story first appeared on LatestLY on Jul 11, 2024 03:05 PM IST. For more news and updates on politics, world, sports, entertainment and lifestyle, log on to our website latestly.com).
