भारतात Infinix चा दमदार बॅटरी आणि कॅमेरासह येणार पहिला 5G फोन, 'एवढी' असेल किंमत
Infinix Zero 5G ट्रिपल रीअर कॅमेरा मॉड्यूलसह सुसज्ज असेल, ज्यामध्ये 48MP प्राथमिक सेन्सर, एक अल्ट्रा-वाइड लेन्स आणि एक टेलिफोटो स्नॅपर समाविष्ट आहे.
Infinix ने गेल्या महिन्यात सांगितलं होतं की, कंपनी त्यांचा पहिल्या 5G हँडसेट, Zero 5G वर काम करत आहे. MySmartPrice ने माहिती दिली आहे की, स्मार्टफोन लवकरचं भारतात येणार आहे. या फोनची खासियत म्हणजे 48MP प्राथमिक कॅमेरा आणि 5,000mAh बॅटरी. आता, भारतात लॉन्च झाल्याबद्दल लीक झालेली माहितीनुसार, हा फोन Huawei, OPPO आणि Vivo सारख्या ब्रँडचा सामना करेल. हा फोन किमान दोन रंगांच्या पर्यायांमध्ये सादर केला जाईल.
Infinix Zero 5G चे स्पेसिफिकेशन -
Infinix Zero 5G मध्ये शीर्ष-मध्यभागी पंच-होल कट-आउट, स्लिम बेझल्स आणि साइड-माउंटेड फिंगरप्रिंट सेन्सर असेल. यात मागे ट्रिपल कॅमेरा युनिट असेल. हँडसेटमध्ये 6.7-इंच फुल-एचडी+ (1080x2460 पिक्सेल) AMOLED स्क्रीन 120Hz रिफ्रेश रेट आणि 20:9 आस्पेक्ट रेशोसह असेल. (वाचा - Tata Sky बनले Tata Play, 15 वर्षांनंतर या बदलामुळे यूजर्सना मिळणार Netflix सपोर्ट)
Infinix Zero 5G ट्रिपल रीअर कॅमेरा मॉड्यूलसह सुसज्ज असेल, ज्यामध्ये 48MP प्राथमिक सेन्सर, एक अल्ट्रा-वाइड लेन्स आणि एक टेलिफोटो स्नॅपर समाविष्ट आहे. समोर 16MP सेल्फी शूटर असू शकतो. Infinix Zero 5G MediaTek Dimensity 900 chipset द्वारे समर्थित असेल, जो 8GB RAM आणि 128GB अंतर्गत स्टोरेजसह जोडला जाईल. यात 33W फास्ट-चार्जिंग सपोर्टसह 5,000mAh बॅटरी असेल.
Infinix Zero 5G किंमत
Infinix Zero 5G ची अधिकृत किंमत आणि उपलब्धता तपशील त्याच्या लॉन्चच्या वेळी दिले जातील. तथापि, भारतातील कंपनीचे सीईओ अनिश कपूर यांच्या मते, हँडसेटची किंमत 20,000 रुपयांपेक्षा कमी असेल.
(The above story first appeared on LatestLY on Jan 29, 2022 04:48 PM IST. For more news and updates on politics, world, sports, entertainment and lifestyle, log on to our website latestly.com).
