Asia Cup 2022, IND vs PAK (Photo Credit - Twitter)

आशिया कप (Asia Cup) सुरू होण्यासाठी आता एक दिवस बाकी आहे. उद्या श्रीलंका आणि अफगाणिस्तान (SL vs AFG) यांच्यातील सामन्याने आशियातील या सर्वात मोठ्या क्रिकेट स्पर्धेला सुरुवात होणार आहे. 28 ऑगस्ट रोजी या स्पर्धेतील सर्वात मोठा सामना खेळवला जाणार आहे. म्हणजे भारत आणि पाकिस्तानचे क्रिकेट संघ (IND vs PAK) आमनेसामने असतील. याआधी जाणून घ्या, पाकिस्तानविरुद्धच्या सामन्यात टीम इंडियाची प्लेइंग इलेव्हन कशी असू शकते. मात्र, भारतीय कर्णधार रोहित शर्मा (Rohit Sharma) आणि अंतरिम मुख्य प्रशिक्षक व्हीव्हीएस लक्ष्मण (VVS Laxman) यांच्यासाठी प्लेइंग इलेव्हनची निवड सोपी होणार नाही.

दिनेश कार्तिक आणि दीपक हुड्डा यांच्यात कोण खेळणार? भुवनेश्वर कुमारचा जोडीदार कोण असेल? असे अनेक प्रश्न आहेत ज्यांची उत्तरे सहजासहजी मिळणार नाहीत. कर्णधार रोहित शर्मा आणि केएल राहुल आशिया कपमध्ये भारताच्या डावाची सुरुवात करतील. त्याचवेळी विराट कोहली तिसऱ्या क्रमांकावर खेळणार आहे.  कोहली लयीत नसला तरी, तरीही त्याचे संघात असणे विरोधी संघासाठी डोकेदुखी ठरत आहे. तो एकटाच आपल्या संघाला कधीही विजयापर्यंत नेऊ शकतो.

पाकिस्तानविरुद्धच्या सामन्यात सूर्यकुमार यादव चौथ्या क्रमांकावर, ऋषभ पंत पाचव्या क्रमांकावर, हार्दिक पंड्या सहाव्या क्रमांकावर आणि दिनेश कार्तिक सातव्या क्रमांकावर खेळू शकतो. सूर्यकुमार उत्कृष्ट फॉर्ममध्ये आहे. या फॉरमॅटच्या क्रमवारीत तो दुसऱ्या क्रमांकावर आहे. त्याचवेळी हार्दिकच्या पूर्ण चार षटकांमुळे संघ अतिरिक्त फलंदाजासह जाऊ शकतो. हेही वाचा Asia Cup 2022: भारत आणि पाकिस्तान सामन्याआधी टीम इंडियाच्या खेळाडूंनी घेतली शाहीन आफ्रिदीची भेट, प्रकृतीची केली विचारपूस, पहा व्हिडीओ

टीम इंडियाच्या गोलंदाजी विभागाबद्दल सांगायचे तर, अष्टपैलू रवींद्र जडेजा आणि लेगस्पिनर युजवेंद्र चहल फिरकी विभाग सांभाळतील. भुवनेश्वर कुमार आणि अर्शदीप सिंग यांच्या खांद्यावर वेगवान गोलंदाजीची जबाबदारी राहील.

पाकिस्तानविरुद्ध भारताची संभाव्य प्लेइंग इलेव्हन - रोहित शर्मा (कर्णधार), केएल राहुल, विराट कोहली, सूर्यकुमार यादव, ऋषभ पंत (यष्टीरक्षक), हार्दिक पंड्या, दिनेश कार्तिक, रवींद्र जडेजा, भुवनेश्वर कुमार, युझवेंद्र चहल आणि अर्शदीप सिंग.