श्रीलंकेचे माजी क्रिकेटपटू मुथय्या मुरलीधरन यांची राजकारणात दुसरी इंनिंग सुरु, उत्तर प्रांताचे राज्यपाल म्हणून झाली नियुक्ती
मुथय्या मुरलीधरन (Photo Credit: Facebook)

श्रीलंकेचा माजी फिरकीपटू मुथय्या मुरलीधरन (Muttiah Muralitharan) आता राजकारणात पहिला डाव सुरू करणार आहे. क्रिकेटच्या मैदानंतर मुरलीधरनची आता एक राजकारणी म्हणून दुसरी इंनिंग सुरु करत आहे. श्रीलंकेच्या उत्तर प्रांताचे राज्यपाल म्हणून त्यांची नेमणूक झाली आहे. हा प्रांत तामिळ बहुसंख्य आहे. बुधवारी आलेल्या माध्यमांच्या वृत्तानुसार श्रीलंकेचे अध्यक्ष गौतबाया राजपक्षे (Gotabaya Rajapaksa) यांनी मुरलीधरनांना वैयक्तिकरित्या आमंत्रित करून हा प्रस्ताव दिला. कसोटी क्रिकेटमध्ये सर्वाधिक 800 विकेट घेणारा 47 वर्षीय मुरलीधरन राष्ट्रपती राजपक्षेने निवडलेल्या तीन नवीन राज्यपालांपैकी एक आहे. मुरलीधरन व्यतिरिक्त राष्ट्रपती गौतबायांनी अनुराधा येमापथ यांना पूर्व प्रांताचा राज्यपाल आणि तिसस बिशन यांना उत्तर मध्य प्रांताचा राज्यपाल म्हणून नियुक्त केले आहे. अनुराधा राष्ट्रीय व्यापार मंडळाच्या अध्यक्ष आणि गारमेंट एक्सपोर्ट कंपनीच्या संचालक आहेत. प्रशांत लिओन ट्रॉत्स्कीच्या तत्त्वांचे अनुसरण करून माजी मंत्री आणि लंके समा समाज पक्षाचे (एलएसएसपी) नेते आहेत.

47 वर्षीय क्रिकेटर मुरलीधरनच्या नावावर 133 कसोटी सामन्यात सर्वाधिक 800 बळी घेण्याचा विक्रम आहे. त्याने 2010 मध्ये आंतरराष्ट्रीय क्रिकेटमधून निवृत्ती जाहीर केली. मुरलीधरनने 350 एकदिवसीय सामन्यांमध्ये 534 आणि 12 टी-20 सामन्यात 13 विकेट घेतले आहेत. मुरलीधरनने मार्च 2015 मध्ये चेन्नईच्या मदीमारर राममूर्तीशी लग्न केले.

मुरलीधरन हा आजवरचा सर्वश्रेष्ठ फिरकी गोलंदाज आहे. फलंदाजांना त्याचे चेंडू खेळणे सोपे नाही जायचे. मुरलीधरनने आपला शेवटचा आंतरराष्ट्रीय सामना 2 एप्रिल 2011 रोजी खेळला होता. 2011 च्या विश्वचषकातील अंतिम सामना त्याच्या कारकिर्दीतील शेवटचा आंतरराष्ट्रीय सामना होता. हा सामना जिंकून भारत वर्ल्ड चॅम्पियन बनला होता. मुंबईच्या वानखेडे स्टेडियममध्ये झालेल्या या सामन्यात भारताने श्रीलंकेवर 6 विकेटने विजय मिळवला आणि दुसऱ्यांदा विश्वचषक जिंकले होते.