Coronavirus: कतारच्या वर्ल्ड कप स्टेडियममध्ये काम करणारे 5 कर्मचारी कोविड-19 पॉसिटीव्ह, देशात संक्रमित लोकांची संख्या 3 हजार पार
2022 फुटबॉल विश्वचषक होणाऱ्या तीन स्टेडियममध्ये काम करणाऱ्या सात कर्मचार्यांमध्ये कोरोना व्हायरसचा संसर्ग झाल्याची कबुली कतारने दिली आहे. आखाती देशात 6 मार्चपासून एकूण सात मृत्यू, 3,711 कोविड-19 संसर्ग आणि 406 जणं बरे झाले आहेत. परंतु विश्वचषक स्टेडियमशी संबंधित खुलासा करण्याची ही पहिलीच वेळ आहे.
2022 फुटबॉल विश्वचषक (Football World Cup) होणाऱ्या तीन स्टेडियममध्ये काम करणाऱ्या सात कर्मचार्यांमध्ये कोरोना व्हायरसचा (Coronavirus) संसर्ग झाल्याची कबुली कतारने (Qatar) दिली आहे. आखाती देशात 6 मार्चपासून एकूण सात मृत्यू, 3,711 कोविड-19 संसर्ग आणि 406 जणं बरे झाले आहेत. परंतु विश्वचषक स्टेडियमशी संबंधित खुलासा करण्याची ही पहिलीच वेळ आहे. आयोजकांनी दिलेल्या निवेदनात म्हटले आहे की, "या घटनेशी संबंधित एका शीर्ष समितीने दोन कर्मचार्यांना अल थुमामा स्टेडियमवर (Al-Thumama Stadium) कोविड-19 (COVID-19) ने संसर्ग झाल्याची पुष्टी केली आहे. या व्यतिरिक्त अल रेयन स्टेडियममधील (Al-Rayyan Stadium) तीन कामगार आणि अल-बायट स्टेडियममधील दोन कामगारही या आजाराने बाधित असल्याचे आढळले आहे." कतार स्पर्धेसाठी सात नवीन स्टेडियम तयार करीत आहे, त्यातील एक अधिकृतपणे उघडले गेले आहे, तर 2022 च्या अगोदर असलेल्या विद्यमान जागेचे नूतनीकरण करण्यात आले. ('Coronavirus ला हरवून मानवतेचा वर्ल्ड कप जिंकूया', लॉकडाउनमध्ये टीम इंडियाचे कोच रवि शास्त्री यांनी शेअर केला प्रेराणादायी संदेश)
दरम्यान, या प्रकरणांना सामोरे जाण्यासाठी सर्वोच्च समिती आरोग्य मंत्रालयाच्या मार्गदर्शनाचे अनुसरण करीत होती आणि बाधित झालेल्या सर्वांना पैसे दिले जातील आणि मोफत आरोग्य सेवा मिळतील, असेही त्यांनी म्हटले. 2022 च्या नोव्हेंबर आणि डिसेंबरमध्ये स्पर्धा होणार असल्याने या टुर्नामेंटची वेळ कोरोना व्हायरसमुळे अजूनही बदललेली नाही. कोरोनाव्हायरसने यापूर्वीच युरोपियन फुटबॉल चॅम्पियनशिप आणि टोकियो ऑलिम्पिक स्थगित करण्यास भाग पाडले आहे. दोन्हीचे आयोजन आता 2021 मध्ये होईल. अनावश्यक किरकोळ कामं, मशिदी, उद्याने व रेस्टॉरंट बंद झाल्यानेही स्टेडियम आणि पायाभूत सुविधांचे बांधकाम सुरू आहे.
दुसरीकडे, जगभरात कोरोना विषाणूची लागण झालेल्या लोकांची संख्या अधिकृतपणे 20 लाखचा आकडा ओलांडला आहे. आंतरराष्ट्रीय वेळेत रात्री दहा वाजेपर्यंत अधिकृत स्रोतांकडून मिळालेल्या आकडेवारीच्या आधारे एएफपीने बुधवारी ही माहिती दिली. त्यानुसार जगभरात संक्रमित झालेल्यांची एकूण संख्या 20,00,984 आहे आणि त्यापैकी 1,28,071 लोकं मरण पावले आहेत. कोरोना विषाणूचा सर्वाधिक प्रभाव पडलेला खंड म्हणजे युरोप, जेथे 85,271 लोक मृत्यूमुखी पडले आहेत. अमेरिकेतही संक्रमणाचा वेगवान वाढला असून संक्रमित लोकांची एकूण संख्या 6,09,240 वर पोहोचली आहे, त्यापैकी 26,033 लोकांचा मृत्यू झाला आहे.
(The above story first appeared on LatestLY on Apr 16, 2020 11:03 AM IST. For more news and updates on politics, world, sports, entertainment and lifestyle, log on to our website latestly.com).
