BCCI Review Meeting: बीसीसीआयच्या आढावा बैठकीत कोणत्या मुद्द्यांवर झाली चर्चा? रोहित आणि गंभीर काय म्हणाले; जाणून घ्या बैठकीचे 5 महत्वाचे मुद्दे

BCCI Review Meeting: ऑस्ट्रेलियाविरुद्धच्या कसोटी मालिकेत भारताचा 1-3 असा पराभव झाल्याने टीम इंडियाच्या भविष्यावर प्रश्नचिन्ह निर्माण झाले होते. त्याआधी, भारताला न्यूझीलंडकडून घरच्या मैदानावर झालेल्या कसोटी मालिकेत 0-3 असा क्लीन स्वीप करावा लागला होता. या दोन्ही मालिकांमध्ये खराब कामगिरीमुळे रोहित शर्मा आणि विराट कोहली यांच्यावर प्रचंड टीका झाली. गौतम गंभीरवर टीका झाली आणि संघाला नवीन कर्णधार देण्याबाबतच्या अटकळांनाही सुरुवात झाली. बीसीसीआयच्या आढावा बैठकीत अशा काही विषयांवर सखोल चर्चा झाली. वृत्तानुसार, ही बैठक 2 तास चालली. या बैठकीचे 5 मुख्य मुद्दे कोणते होते ते येथे जाणून घ्या

1. रोहित शर्मा कर्णधार राहील की नाही?

ऑस्ट्रेलियाविरुद्धच्या मालिकेतील पाच डावांमध्ये रोहित शर्माने फक्त 31 धावा केल्या. टीकेने वेढलेल्या रोहित शर्माने आढावा बैठकीत सांगितले की, तो काही काळ कर्णधारपदी राहू इच्छितो. भविष्यात बीसीसीआयने नवीन कर्णधार शोधत राहिल्यास त्याला कोणतीही अडचण येणार नाही, असेही रोहित म्हणाला. बैठकीत जसप्रीत बुमराहला नवीन कसोटी कर्णधार करण्याबाबत चर्चा झाली, परंतु बुमराहची तंदुरुस्ती चिंतेचा विषय असल्याने यावर एकमत होऊ शकले नाही.

🚨 UPDATES FROM BCCI MEETING. 🚨

- Rohit will remain captain at least till the CT.

- Bumrah's name discussed as the next captain.

- Virat will be given time, talks might happen seeing his performance in the CT.

- All seniors need to play Domestics. (Abhishek Tripathi). pic.twitter.com/cifzF8DCDV

— Mufaddal Vohra (@mufaddal_vohra) January 12, 2025

2. गौतम गंभीरचा सपोर्ट स्टाफ अडचणीत येईल!

गौतम गंभीरच्या प्रशिक्षणाखाली भारतीय संघाची कामगिरी काही खास राहिलेली नाही. कसोटी संघाला न्यूझीलंड आणि ऑस्ट्रेलियाकडून दारुण पराभव पत्करावा लागला आहे. आढावा बैठकीत, गौतम गंभीरच्या सपोर्ट स्टाफमधील दोन सदस्य, रायन टेन डोइशेत आणि अभिषेक नायर यांच्या कसोटी सामन्यांमधील योगदानावर प्रश्न उपस्थित करण्यात आले. तथापि, मोर्ने मॉर्केलला दीर्घ स्वरूपांमध्ये खेळण्याचा भरपूर अनुभव आहे, त्यामुळे गोलंदाजी प्रशिक्षक म्हणून त्यांचे स्थान सुरक्षित राहू शकते.

3. विराट कोहली इंग्लंडविरुद्ध कसोटी खेळेल की नाही?

विराट कोहलीला त्याच्या फॉर्ममुळे खूप ट्रोल केले जात आहे, तर ऑफ-स्टंपच्या बाहेर चेंडूंवर त्याला सतत अडचणी येत आहेत. न्यूझीलंडविरुद्ध त्याने 6 डावात फक्त 93 धावा केल्या. तर ऑस्ट्रेलियाविरुद्धच्या मालिकेत त्याच्या बॅटमधून फक्त 190 धावा आल्या. सूत्रांनी दिलेल्या माहितीनुसार, कोहली आणि रोहित यांच्या कारकिर्दीबाबत चॅम्पियन्स ट्रॉफीपर्यंत निर्णय घेतला जाणार नाही. जर हे दोघेही चॅम्पियन्स ट्रॉफीमध्ये अपयशी ठरले तर बीसीसीआय त्यांना संघातून काढून टाकण्यासाठी पावले उचलेल.

4. चॅम्पियन्स ट्रॉफीपर्यंत कोणताही निर्णय नाही

आढावा बैठकीत एका सदस्याने विचारले की भारता घरच्या कसोटी मालिकेत क्लीन स्वीप झाला आहे, संघात काही समस्या असतीलच. रोहित शर्मा आणि विराट कोहली यांच्या कामगिरीवर चर्चा झाली आणि दोघांकडूनही चांगली कामगिरी करण्याची अपेक्षा व्यक्त करण्यात आली. सध्या तरी, फक्त एकच अपडेट समोर आला आहे की चॅम्पियन्स ट्रॉफी संपेपर्यंत सर्व काही असेच चालू राहील, परंतु त्यानंतर कर्णधारपद, प्रशिक्षकपद आणि विराट कोहली, रोहित शर्मा यांच्या कसोटी कारकिर्दीबाबत मोठा निर्णय घेण्याची शक्यता आहे.

5. खेळाडूंना निर्णय घेण्याचे स्वातंत्र्य नाही.

आता खेळाडूंना द्विपक्षीय मालिका खेळायची की देशांतर्गत क्रिकेट खेळायचे हे निवडण्याचे स्वातंत्र्य राहणार नाही. जर एखाद्या खेळाडूला कोणत्याही द्विपक्षीय मालिकेतून बाहेर पडायचे असेल तर त्याला वैद्यकीय अहवाल सादर करावा लागेल.

(The above story first appeared on LatestLY on Jan 12, 2025 05:04 PM IST. For more news and updates on politics, world, sports, entertainment and lifestyle, log on to our website latestly.com).