VVS Laxman Recalls Sachin Tendulkar's Sharjah Knock: शारजाह स्टेडियममध्ये पोहचताच व्हीव्हीस लक्ष्मणला आली सचिन तेंडुलकरच्या डेजर्ट स्टॉर्म डावाची आठवण, पाहा मास्टर-ब्लास्टरची प्रतिक्रिया

मास्टर-ब्लास्टर सचिन तेंडुलकरने (Sachin Tendulkar) आपल्या क्रिकेट कारकिर्दीत आजवर अनेक संस्मरणीय डाव खेळले आहेत, पण शारजाह (Sharjah) येथील ऑस्ट्रेलियाविरुद्ध (Australia) कोका-कोला कपच्या सेमीफायनल मॅचची बातच काही निराळी आहे. शारजाहतील सचिनच्या डेजर्ट-स्टॉर्म (Sachin Desert Storm Inning) मास्टरक्लास बहुधा वनडे क्रिकेटच्या इतिहासात खेळला गेलेला सर्वोत्तम डाव मानला जातो. त्या महत्त्वपूर्ण खेळीला दोन दशकांहून अधिक काळ झाला असला तरी आजही सचिनच्या 'त्या' विशेष शतकाचे विशेष महत्व आहे. तब्बल 22 वर्षांहून अधिक काळानंतर सचिनच्या संघातील एक सहकारी, सनरायझर्स हैदराबादचे (Sunrisers Hyderabad) मार्गदर्शक व्हीव्हीएस लक्ष्मणने (VVS Laxman) शारजाह क्रिकेट स्टेडियमला भेट दिली आणि “त्या दोन विशेष 100 चे दशक” आठवणी जागवल्या. “बर्‍याच दिवसांनी शारजाह येथे परतलो. जेव्हा जेव्हा मी या मैदानात फिरतो तेव्हा सचिन तेंडुलकरच्या त्या दोन विशेष शतकाच्या आठवणी माझ्या मनात परत येतात आणि #डेस्टर्स्टोरमप्रमाणे धावतात,” लक्ष्मणने स्टेडियममधील स्वतःचे फोटो शेअर करून लिहिले. (Sachin Tendulkar-Rahul Dravid: 'राहुल द्रविडच्या खेळाने अनेकदा सचिनला तेंडुलकरलाही झाकून टाकलं,' पाकिस्तानी क्रिकेटपटूने सचिन-द्रविडची तुलना करत केले महत्वाचे विधान)

सचिनने आपल्या माजी सहकार्याच्या ट्विटला प्रत्युत्तर दिले आणि म्हटले, “अजूनही ते दोन्ही खेळ आठवतात जसे ते कालच झाले. आणि तुम्हाला आठवते का त्या वाळवंटातील वादळामुळे आपण जवळजवळ कसे उडालो?” दरम्यान, व्हीव्हीएस लक्ष्मण सध्या सनरायझर्स हैदराबादचे सल्लागार म्हणूनयुएईमध्ये आहेत. आयपीएल 2020 ची सुरुवात 19 सप्टेंबर 2020 रोजी होणार आहे.

Still remember both those games like they happened just yesterday.

And do you remember how we almost got blown away by that desert storm?😋

— Sachin Tendulkar (@sachin_rt) August 30, 2020

सचिनच्या या प्रतिक्रियेवर लक्ष्मणने लिहिले, "मला फक्त आठवते की वाळवंटातील वादळाने सचिन तेंडुलकर नावाच्या ऑस्ट्रेलियाची तारांबळ उडाली होती."

All I remember is the Aussies were blown away by the desert storm 🌪named @sachin_rt pic.twitter.com/hd18oYciNH

— VVS Laxman (@VVSLaxman281) August 30, 2020

भारत-ऑस्ट्रेलियामधील 'त्या' सेमीफायनल सामन्यात ऑसीजने टीम इंडियासमोर 276 धावांचे आव्हान दिले. सचिनने 143 धावांचा डाव खेळला. सचिनच्या शतकी खेळीच्या जोरावर ऑस्ट्रेलियाच्या 284/7 च्या प्रत्युत्तरात भारताने अंतिम फेरी गाठण्यासाठी पात्रता धावा केल्या आणि नेट-रनरेटच्या आधारावर फायनलमध्ये प्रवेश मिळवला. त्यानंतर 24 एप्रिल रोजी, आपल्या 25 व्या वाढदिवशी झालेल्या अंतिम सामन्यात सचिनने 134 धावा केल्या आणि ऑस्ट्रेलियाच्या 273/9 धावांचे लक्ष्य 48.3 ओव्हरमध्ये सहा विकेट्स राखून गाठले.

(The above story first appeared on LatestLY on Aug 31, 2020 01:15 PM IST. For more news and updates on politics, world, sports, entertainment and lifestyle, log on to our website latestly.com).