IND vs BAN: तिलक वर्माला शिखर धवनचा विक्रम मोडण्याची संधी; बांगलादेशविरुद्ध फक्त ३ षटकार मारताच रचणार इतिहास
आशिया कप २०२५ मध्ये भारतीय युवा फलंदाज तिलक वर्माला शिखर धवनचा विक्रम मोडण्याची संधी आहे. बांगलादेशविरुद्धच्या सामन्यात तीन षटकार मारताच तो टी-२० आंतरराष्ट्रीय सामन्यांमध्ये ५० षटकारांचा टप्पा गाठेल.
IND vs BAN Super 4: सूर्यकुमार यादवच्या नेतृत्वाखालील भारतीय संघाने आशिया कप २०२५ मध्ये आतापर्यंत शानदार कामगिरी केली आहे. ग्रुप स्टेजमध्ये अपराजित राहिल्यानंतर, सुपर-४ मध्येही त्यांनी आपला विजयरथ कायम ठेवला आहे. सुपर-४ मधील पहिल्या सामन्यात टीम इंडियाने पाकिस्तानला ६ गडी राखून हरवले. आता त्यांचा पुढील सामना बांगलादेशविरुद्ध होणार आहे. या सामन्यात भारतीय संघाचा २२ वर्षीय युवा फलंदाज तिलक वर्माला एक मोठा विक्रम करण्याची संधी आहे, ज्यात तो शिखर धवनला मागे टाकू शकतो. IND vs BAN Super 4 Live Streaming: अंतिम सामन्यासाठी टीम इंडिया मैदानात; लाईव्ह सामना कधी, कुठे आणि कसा पाहता येईल?
तीन षटकार मारताच धवनला टाकणार मागे
गेल्या काही वर्षांत भारतीय फलंदाजांच्या टी-२० आंतरराष्ट्रीय सामन्यातील शैलीत मोठा बदल दिसून आला आहे. पहिल्याच चेंडूपासून मोठा शॉट मारण्याचा त्यांचा प्रयत्न असतो. यामध्ये तिलक वर्माचे नावही सामील आहे. त्याने आतापर्यंत २९ टी-२० आंतरराष्ट्रीय सामने खेळले असून, २७ डावांमध्ये त्याने एकूण ४८ षटकार लगावले आहेत.
Tilak Varma in 10 most recent T20I innings
◎ Runs: 450
◉ Average: 90
◎ Strike Rate: 165
◎ Sixes: 29
◎ Team Runs: 25.4%
Among all active T20I batters, nobody averages more & only Abhishek has more runs than him in this span. pic.twitter.com/YURppMEPRV
— The Cricket Panda (@TheCricketPanda) September 23, 2025
बांगलादेशविरुद्धच्या सामन्यात जर तिलक वर्माने तीन षटकार मारले, तर तो टी-२० आंतरराष्ट्रीय सामन्यांमध्ये ५० षटकारांचा टप्पा पूर्ण करेल. तसेच, तो शिखर धवनला मागे टाकून टी-२० मध्ये ५० किंवा त्याहून अधिक षटकार मारणारा टीम इंडियासाठी १२वा खेळाडू बनेल.
आशिया कप आणि टी-२० करिअरमधील कामगिरी
आशिया कप २०२५ मध्ये तिलक वर्माची कामगिरी अपेक्षेनुसार दमदार राहिली आहे. त्याने ४ सामन्यांतील ३ डावांमध्ये फलंदाजी करताना ४५ च्या सरासरीने ९० धावा केल्या आहेत, ज्यात ५ चौकार आणि ५ षटकांचा समावेश आहे. त्याच्या एकूण टी-२० आंतरराष्ट्रीय करिअरबद्दल बोलायचे झाल्यास, २९ सामन्यांच्या २७ डावांमध्ये त्याने जवळपास ५० च्या सरासरीने ८३९ धावा केल्या आहेत. यात त्याने दोन शतके आणि तीन अर्धशतके झळकावली आहेत.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
