Team India (Photo Credit - X)

IND vs BAN: टीम इंडियाने अलीकडेच श्रीलंकेविरुद्ध वनडे सामन्यांची मालिका खेळली. त्यानंतर आता टीम इंडिया (Team India) दीर्घ विश्रांतीवर आहे. मात्र, पुढील महिन्यात टीम इंडिया आणि बांगलादेश (IND vs BAN) यांच्यात कसोटी मालिका होणार आहे. वर्ल्ड टेस्ट चॅम्पियनशिप फायनल (WTC Final) आणि बॉर्डर गावस्कर ट्रॉफीपूर्वी (Border Gavaskar Trophy 2024-25) टीम इंडियासाठी ही मालिका खूप महत्त्वाची ठरणार आहे. या मालिकेत टीम इंडियाचा बलाढ्य खेळाडू दीड वर्षानंतर कसोटी संघात पुनरागमन करू शकतो. त्यामुळे आता हा खेळाडू देशांतर्गत क्रिकेटमध्ये खेळताना दिसणार आहे. (हे देखील वाचा: IND vs BAN Test Series 2024: कसोटी क्रिकेटमधील 'या' अनोख्या विक्रमाच्या अगदी जवळ रवींद्र जडेजा, चेन्नईत खास विक्रम करण्याची संधी)

पंत कसोटी संघात दाखल होणार

टीम इंडियाचा यष्टीरक्षक फलंदाज ऋषभ पंत (Rishabh Pant) कार अपघातानंतर बराच काळ क्रिकेटच्या मैदानापासून दूर होता. त्यानंतर तो आयपीएल 2024 (IPL 2024) मध्ये परतला. पंतसाठी हा मोसम खूप चांगला होता. त्यानंतर 2024 च्या टी-20 विश्वचषकासाठी पंतचीही टीम इंडियात निवड झाली. पंत आता वनडे आणि टी-20 संघात परतला आहे. तर पंतने अद्याप कसोटीत पुनरागमन केलेले नाही. त्यानंतर बांगलादेशविरुद्धच्या कसोटी मालिकेत ऋषभ पंतचे भारतीय कसोटी संघात पुनरागमन होण्याची शक्यता आहे.

पंत देशांतर्गत क्रिकेट खेळणार

बांगलादेशसोबतच्या कसोटी मालिकेपूर्वी टीम इंडियाचे खेळाडू देशांतर्गत क्रिकेट खेळताना दिसणार आहेत. अशा परिस्थितीत आता पंतही लाल चेंडूचे क्रिकेट खेळताना दिसणार आहे. दुलीप ट्रॉफीमध्ये पंतच्या पुनरागमनाच्या बातम्या येत आहेत. 2022 नंतर पंतचा या स्पर्धेत पहिला लाल चेंडू सामना होऊ शकतो. पंतने टीम इंडियासाठी आतापर्यंत 36 कसोटी सामने खेळले आहेत. ज्यामध्ये त्याच्या नावावर 2271 धावा आहेत. या कालावधीत पंतने 5 शतके आणि 11 अर्धशतके झळकावली आहेत.