Shubman Gill New Record: शुभमन गिलने 'या' खेळाडूंचा मोडला रेकाॅर्ड, सचिन तेंडुलकर आणि विनोद कांबळी यांच्या विक्रमाशी केली बरोबरी
टीम इंडियाने निर्णायक सामन्यात न्यूझीलंडचा 168 धावांनी पराभव केला आणि आपला सर्वात मोठा विजयही नोंदवला. टीम इंडियाच्या या विजयात शुभमन गिलचे सर्वात मोठे योगदान होते. दरम्यान, सलामीवीर शुभमन गिलने या सामन्यात टीम इंडियाचा माजी दिग्गज फलंदाज सुरेश रैनाचा विक्रम मोडला आहे.
IND vs NZ T20: टीम इंडियाचा युवा सलामीवीर शुभमन गिल (Shubmna Gill) आता संघाचा स्टार खेळाडू बनला आहे. बुधवारी त्याने अहमदाबादच्या नरेंद्र मोदी स्टेडियमवर न्यूझीलंडविरुद्ध धडाकेबाज खेळी करताना शतक झळकावले. यासह, तिन्ही फॉरमॅटमध्ये शतके झळकावणाऱ्या निवडक खेळाडूंच्या यादीत त्याचा समावेश झाला आहे. टीम इंडियाने निर्णायक सामन्यात न्यूझीलंडचा 168 धावांनी पराभव केला आणि आपला सर्वात मोठा विजयही नोंदवला. टीम इंडियाच्या या विजयात शुभमन गिलचे सर्वात मोठे योगदान होते. दरम्यान, सलामीवीर शुभमन गिलने या सामन्यात टीम इंडियाचा माजी दिग्गज फलंदाज सुरेश रैनाचा विक्रम मोडला आहे. एवढेच नाही तर एका फटक्यात शुभमन गिलने टीम इंडियाचा माजी दिग्गज फलंदाज सचिन तेंडुलकर आणि माजी डावखुरा फलंदाज विनोद कांबळी यांची बरोबरी केली आहे.
शुबमन गिलने बुधवारी न्यूझीलंडविरुद्धच्या शेवटच्या सामन्यात शतक झळकावले होते. आता शुबमन गिल टीम इंडियाकडून टी-20 शतक झळकावणारा सर्वात तरुण खेळाडू ठरला आहे. 1 फेब्रुवारी 2023 रोजी शुभमन गिलचे वय 23 वर्षे 146 दिवस होते. यापूर्वी हा विक्रम सुरेश रैनाच्या नावावर होता, ज्याने वयाच्या 23 वर्षे 156 दिवसांत पहिले टी-20 आंतरराष्ट्रीय शतक झळकावले होते. (हे देखील वाचा: IND vs NZ T20: दीड वर्षानंतरही पृथ्वी शाॅ बेंचवर राहिला बसुन, आता आणखी 6 महिने पाहावी लागणार वाट)
दुसरीकडे, जर आपण कसोटी क्रिकेटबद्दल बोललो, तर सर्वात तरुण मास्टर ब्लास्टर सचिन तेंडुलकरने टीम इंडियाकडून शतक झळकावले. सचिन तेंडुलकरचे पहिले शतक झाले तेव्हा त्याचे वय 17 वर्षे 107 दिवस होते. त्याचबरोबर वनडेत सर्वात कमी वयात शतक ठोकण्याचा विक्रम डावखुरा फलंदाज विनोद कांबळीच्या नावावर आहे. जेव्हा त्याने पहिले एकदिवसीय शतक झळकावले तेव्हा तो 21 वर्षांचा होता. म्हणजे आता शुभमन गिलने सचिन तेंडुलकर आणि विनोद कांबळी यांची बरोबरी केली आहे.
शुबमन गिलची खेळी पाहिली तर त्याने 63 चेंडूत 126 धावा केल्या. म्हणजेच त्याचा स्ट्राईक रेट 200 होता. यादरम्यान त्याच्या बॅटमधून सात षटकार आले आणि त्याने 12 चौकार मारले. माजी कर्णधार विराट कोहलीला मागे टाकत शुभमन गिल आता टी-20 आंतरराष्ट्रीय सामन्यांच्या एका डावात टीम इंडियासाठी सर्वाधिक धावा करणारा खेळाडू बनला आहे.
(The above story first appeared on LatestLY on Feb 02, 2023 03:38 PM IST. For more news and updates on politics, world, sports, entertainment and lifestyle, log on to our website latestly.com).
