IND vs AUS, Border-Gavaskar Trophy 2024-25: गुलाबी चेंडू कसोटीत टीम इंडियाची कशी आहे कामगिरी? रोहित शर्मा आणि कंपनीचे आकडे येथे पाहा
IND vs AUS: भारताने पहिला कसोटी सामना मोठ्या फरकाने जिंकला आहे. आता भारताचा दुसरा कसोटी सामना ॲडलेड ओव्हलवर होणार आहे. जो डे-नाईट कसोटी सामना आहे. जो 6 डिसेंबर ते 10 डिसेंबर दरम्यान खेळवला जाणार आहे. ज्यामध्ये गुलाबी चेंडूचा वापर केला जाईल.
Australia National Cricket Team vs India National Cricket Team, Border-Gavaskar Trophy: भारत आणि ऑस्ट्रेलिया (IND vs AUS) यांच्यात पाच कसोटी सामन्यांची मालिका खेळवली जात आहे. भारताने पहिला कसोटी सामना मोठ्या फरकाने जिंकला आहे. आता भारताचा दुसरा कसोटी सामना ॲडलेड ओव्हलवर होणार आहे. जो डे-नाईट कसोटी सामना आहे. जो 6 डिसेंबर ते 10 डिसेंबर दरम्यान खेळवला जाणार आहे. ज्यामध्ये गुलाबी चेंडूचा वापर केला जाईल. भारतीय संघाने शेवटचा डे-नाईट कसोटी सामना 2022 मध्ये खेळला होता. अशा परिस्थितीत भारतीय संघाचा गुलाबी चेंडूचा विक्रम काय आहे ते जाणून घेऊया. (हे देखील वाचा: IND vs AUS 2nd Test: दुसऱ्या कसोटीसाठी ऑस्ट्रेलियन संघात कोणताच बदल नाही)
गुलाबी चेंडूच्या कसोटीत भारताचा विक्रम
पिंक बॉल कसोटी क्रिकेटमध्ये भारताची कामगिरी मायदेशात उत्कृष्ट राहिली आहे, परंतु संघाला अद्याप परदेशी भूमीवर विजयाची चव चाखता आलेली नाही. भारताने आतापर्यंत गुलाबी चेंडूच्या एकूण चार कसोटी सामने खेळले आहेत, ज्यामध्ये तीन सामने मायदेशात आणि एक सामना परदेशात खेळला गेला. या चार सामन्यांपैकी, भारताने तीन जिंकले आहेत, परंतु 2020 मध्ये ॲडलेडमध्ये खेळल्या गेलेल्या एकमेव परदेशातील पिंक बॉल कसोटीत संघाला दारूण पराभवाला सामोरे जावे लागले.
2020 च्या पराभवाच्या कटू आठवणी
भारताने 2020 मध्ये ॲडलेडच्या या मैदानावर पिंक बॉल टेस्ट खेळली होती, ज्यामध्ये टीम इंडियाला ऑस्ट्रेलियाविरुद्ध 8 गडी राखून पराभव स्वीकारावा लागला होता. या सामन्यात भारतीय फलंदाजीचा क्रम पूर्णपणे विस्कळीत झाला आणि संघ अवघ्या 36 धावांवर गडगडला. भारतीय क्रिकेटच्या इतिहासातील ही सर्वात कमी धावसंख्या आहे, जी आजही विसरणे कठीण आहे. ॲडलेडमध्ये पिंक बॉल कसोटी जिंकणे भारतीय संघासाठी सोपे नसेल. ऑस्ट्रेलियन संघ घरच्या परिस्थितीत खूप मजबूत मानला जातो. पण पर्थमधील 295 धावांच्या विजयाने भारत यावेळी इतिहास रचण्याच्या इराद्याने आल्याचे दाखवून दिले आहे.
रोहित शर्माच्या नेतृत्वाखाली नव्या आशा आहेत
पर्थ कसोटीतील मोठ्या विजयामुळे भारतीय संघाचा आत्मविश्वास वाढला आहे. नियमित कर्णधार रोहित शर्माच्या पुनरागमनामुळे संघ अधिक मजबूत दिसत आहे. रोहितच्या नेतृत्वाखाली टीम इंडियाला ॲडलेडमध्ये विजयाची नोंद करून 2020 च्या पराभवाचा बदला तर घ्यायचा आहेच, पण परदेशी भूमीवर पहिल्यांदा पिंक बॉल टेस्ट जिंकून इतिहास रचायचा आहे.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
