IND vs PAK Weather Prediction: भारत-पाकिस्तान सामन्यावर संकटाचे ढग आले दाटून, पाऊस ठरणार व्हिलन; जाणून घ्या हवामानाचा अंदाज

IND vs PAK Asia Cup 2023: आशिया चषक 2023 (Asia Cup 2023) ची सुरुवात 30 ऑगस्ट रोजी होणार आहे, या स्पर्धेच्या सुरुवातीच्या सामन्यात पाकिस्तानचा मुल्तानमध्ये नेपाळशी (PAK vs NEP) सामना होणार आहे, तर भारत आणि पाकिस्तान (IND vs PAK) यांच्यातील बहुप्रतीक्षित सामना 2 सप्टेंबर रोजी कॅंडी (Kandy) येथे खेळला जाईल. या सामन्याची जगभरातील चाहते बऱ्याच दिवसांपासून वाट पाहत आहेत, जरी या सामन्यावर पावसाचे ढग दाटून आले असून त्यामुळे सर्वांची निराशा झाली आहे. (हे देखील वाचा: PAK vs NEP Asia Cup 2023 Live Streaming Online: आशिया चषकाच्या पहिल्या सामन्यात नेपाळ भिडणार पाकिस्तानसोबत, कधी, कुठे पाहणार लाइव्ह ? घ्या जाणून)

कसे असणार हवामान?

टूर्नामेंटमधील भारताच्या पहिल्या सामन्यापूर्वी 2 सप्टेंबर रोजी कॅंडीमध्ये पावसाची उच्च शक्यता आहे. Accuweather नुसार, दिवसभरात पावसाची 70 टक्के शक्यता आहे आणि वादळासह मुसळधार पावसाची 20 टक्के शक्यता आहे. हा सामना स्थानिक वेळेनुसार दुपारी 1 वाजता आणि भारतीय वेळेनुसार दुपारी 3 वाजता सुरू होईल. हवामान अंदाजानुसार, सकाळच्या दरम्यान 55 टक्के पावसाचा अंदाज आहे जो दुपारी 70 टक्के होईल. मात्र, संध्याकाळी आकाश निरभ्र असेल आणि पावसाचा सामना खेळण्यात अडथळा येणार नाही. त्याचवेळी श्रीलंकेत पाऊस सुरू झाला आहे. ज्याचा परिणाम उर्वरित सामन्यांवरही होऊ शकतो.

आशिया कप 2023 साठी भारताचा संघ: रोहित शर्मा (कर्णधार), शुभमन गिल, विराट कोहली, श्रेयस अय्यर, सूर्यकुमार यादव, तिलक वर्मा, केएल राहुल, इशान किशन, हार्दिक पंड्या (उपकर्णधार), रवींद्र जडेजा, शार्दुल ठाकूर, अक्षर पटेल, कुलदीप यादव, जसप्रीत बुमरा, मोहम्मद. शमी, मोहम्मद. सिराज, प्रसीध कृष्णा.

(The above story first appeared on LatestLY on Aug 30, 2023 02:13 PM IST. For more news and updates on politics, world, sports, entertainment and lifestyle, log on to our website latestly.com).