IPL 2023 Live Streaming on Jio Cinema: जियो सिनेमावर तुम्ही 4K रिझोल्यूशनसह IPL लाइव्ह सामन्याचे विनामूल्य घेवु शकतात आनंद, इथे वाचा संपूर्ण माहिती

आयपीएल 2023 चा पहिला सामना गतविजेते गुजरात टायटन्स आणि चेन्नई सुपर किंग्ज (GT vs CSK) यांच्यात 31 मार्च रोजी अहमदाबाद येथे होणार आहे. आयपीएल चाहत्यांसाठी सर्वात चांगली बातमी म्हणजे यावेळी आयपीएलचे थेट प्रक्षेपण जिओ सिनेमावर (Jio Cinema) केले जाणार आहे.

IPL Trophy (Photo Credit : PTI)

इंडियन प्रीमियर लीग 2023 च्या (IPL 2023) लिलावानंतर वेळापत्रकही जाहीर करण्यात आले आहे. आयपीएल 2023 चा पहिला सामना गतविजेते गुजरात टायटन्स आणि चेन्नई सुपर किंग्ज (GT vs CSK) यांच्यात 31 मार्च रोजी अहमदाबाद येथे होणार आहे. आयपीएल चाहत्यांसाठी सर्वात चांगली बातमी म्हणजे यावेळी आयपीएलचे थेट प्रक्षेपण जिओ सिनेमावर (Jio Cinema) केले जाणार आहे. भारतीय क्रिकेट नियामक मंडळाने अलीकडेच जिओला आयपीएलच्या लाईव्ह स्ट्रीमिंगला परवानगी दिली आहे. रिलायन्स जिओनेही याला दुजोरा दिला आहे. जियो सिनेमावर, तुम्ही 4K रिझोल्यूशन (UltraHD) सह विनामूल्य ऑनलाइन स्ट्रीमिंग पाहण्यास सक्षम असाल. याशी संबंधित प्रत्येक महत्त्वाची माहिती जाणून घेऊया.

वास्तविक, आतापर्यंत डिस्ने हॉटस्टारकडे आयपीएलच्या लाईव्ह स्ट्रीमिंगचे अधिकार होते. ज्या लोकांनी सबस्क्रिप्शनसाठी पैसे दिले आहेत तेच डिस्ने हॉटस्टारवर थेट सामन्याचा आनंद घेऊ शकतात. तर, जियो सिनेमावर प्रत्येकजण UltraHD सह थेट सामने पाहू शकतो. फिफा कप 2022 multicam वैशिष्ट्याप्रमाणे, जियो सिनेमा वापरकर्त्यांना सर्व 74 सामन्यांसाठी एकाधिक कॅमेरा अँगलला अनुमती देईल. (हे देखील वाचा: WTC Final Scenario: भारत आणि श्रीलंकेत होऊ शकते वर्ल्ड टेस्ट चॅम्पियनशिपची फायनल, जाणून घ्या दिल्ली टेस्टनंतर काय सांगतात आकडेवारी)

तुमच्या आवडीच्या भाषेत समालोचन पाहु शकता

जियो सिनेमावर, वापरकर्ते त्यांच्या आवडीच्या भाषेत मॅचेसचे लाईव्ह स्ट्रीमिंग देखील पाहू शकतील. या जिओ अॅपसाठी तुम्हाला तुमची भाषा निवडावी लागेल. अशा प्रकारे, तुम्हाला तुमच्या भाषेत केवळ सामन्याची कॉमेंट्रीच ऐकता येणार नाही, तर आकडेवारी आणि ग्राफिक्सही तुमच्या भाषेत प्रदर्शित होतील. सध्या ही सुविधा अॅपवर इंग्रजी, तमिळ, हिंदी, तेलगू, मराठी, गुजराती, बंगाली आणि भोजपुरी या भाषांमध्ये उपलब्ध असेल.

जिओ मीडिया केबल लवकरच होणार लाँच

कंपनी लवकरच तिची बहुचर्चित जिओ मीडिया केबल लाँच करेल अशी अपेक्षा आहे, जी एचडीएमआय पोर्ट नसलेल्या लोकांना फोन वापरून मॅच स्ट्रीम करण्यास अनुमती देईल. मात्र, रिलायन्सने अद्याप याला दुजोरा दिलेला नाही. सूत्रांनी दिलेल्या माहितीनुसार, कंपनी Jio Dive नावाच्या व्हर्च्युअल रिअॅलिटी हेडसेट आणि Jio Glass नावाच्या व्हर्च्युअल रिअॅलिटी ग्लासेसवर काम करत आहे. हे उपकरण वापरकर्त्यांना 360-डिग्री फॉरमॅटमध्ये आयपीएलचा आनंद घेण्यास सक्षम करू शकतात.