Pakistan vs England 1st Test 2024 Day 3 Live Streaming: तिसऱ्या दिवसाचा खेळ लवकरच सुरू होणार, इंग्लंडची धावसंख्या 1 गडी बाद 96; थेट सामना कधी, कुठे आणि कसा पहाल? जाणून घ्या
पाकिस्तान विरुद्ध इंग्लंड राष्ट्रीय क्रिकेट संघातील पहिल्या कसोटी सामन्याच्या तिसऱ्या दिवसाचा खेळ आज म्हणजेच 9 ऑक्टोबर रोजी खेळवला जाणार आहे. दोन्ही संघांमधील हा सामना मुलतानमधील मुलतान क्रिकेट स्टेडियमवर खेळला जात आहे.
Pakistan vs England 1st Test 2024 Day 3 Live Streaming: पाकिस्तान आणि इंग्लंड (PAK vs ENG) संघातील पहिल्या कसोटी सामन्याचा तिसरा दिवस आज म्हणजेच 9 ऑक्टोबर रोजी खेळला जाणार आहे. दोन्ही संघांमधील हा सामना मुलतानमधील मुलतान क्रिकेट स्टेडियमवर खेळवला जात आहे. दुसऱ्या दिवसाचा खेळ संपेपर्यंत इंग्लंडने 20 षटकांत 1 गडी गमावून 96 धावा केल्या होत्या. इंग्लंडकडून जॅक क्रॉलीने अर्धशतक झळकावले होते. सध्या जॅक क्रॉली 64 चेंडूत 64 धावा करून नाबाद आहे. जो रूट 53 चेंडूत 32 धावा करून नाबाद आहे. तर पाकिस्तानकडून नसीम शाहने 1 विकेट घेतला आणि कर्णधार ओली पोपला बाद केले. तिसऱ्या दिवसाचा खेळ खूपच रोमांचक असेल. दुसरीकडे, दुसऱ्या दिवशी पाकिस्तानचा पहिला डाव 149 षटकांत 556 धावांवर आटोपला. दुसऱ्या दिवशी पाकिस्तानकडून सलमान आघाने 119 चेंडूत 104 धावांची शतकी खेळी खेळली. इंग्लंडकडून जॅक लीचने सर्वाधिक 3 बळी घेतले.
पाकिस्तान आणि इंग्लंड यांच्यातील पहिल्या कसोटी सामन्याचा तिसरा दिवस कधी खेळला जाईल?
पाकिस्तान आणि इंग्लंड यांच्यातील पहिल्या कसोटी सामन्याचा तिसरा दिवस बुधवारी 9 ऑक्टोबर रोजी भारतीय वेळेनुसार सकाळी 10:30 वाजता मुलतानच्या मुल्तान क्रिकेट स्टेडियमवर खेळला जाईल. (हेही वाचा:IND vs BAN 2nd T20 2024 Live Telecast On DD Sports: भारत विरुद्ध बांगलादेश यांच्यातील दुसरा टी 20 सामना; कधी, कुठे आणि कसा पहाल? जाणून घ्या )
थेट सामना कधी, कुठे आणि कसा पाहायचा
भारतातील कोणत्याही टीव्ही चॅनलवर पाकिस्तान विरुद्ध इंग्लंड यांच्यातील तीन सामन्यांच्या कसोटी मालिकेचे थेट प्रक्षेपण होणार नाही. तथापि, फॅनकोड ॲप आणि वेबसाइटवर भारतात लाईव्ह स्ट्रीमिंग उपलब्ध असेल. अशा परिस्थितीत क्रिकेट चाहत्यांना पहिल्या कसोटी सामन्याच्या तिसऱ्या दिवसाच्या खेळाचा आनंद घेता येईल.
पहिल्या कसोटीसाठी दोन्ही संघांपैकी 11 खेळाडू:
पाकिस्तान संघ: शान मसूद (कर्णधार), सौद शकील, सॅम अयुब, अब्दुल्ला शफीक, बाबर आझम, मोहम्मद रिझवान (यष्टीरक्षक), सलमान अली आगा, आमिर जमाल, शाहीन आफ्रिदी, नसीम शाह, अबरार अहमद.
इंग्लंड संघ: झॅक क्रॉली, बेन डकेट, ऑली पोप (कर्णधार), जो रूट, हॅरी ब्रूक, जेमी स्मिथ, ख्रिस वोक्स, गस ऍटकिन्सन, ब्रायडन कार्स, जॅक लीच, शोएब बशीर.
(The above story first appeared on LatestLY on Oct 09, 2024 01:43 PM IST. For more news and updates on politics, world, sports, entertainment and lifestyle, log on to our website latestly.com).
