ZIM vs PAK 2nd ODI 2024 Scorecard: दुसऱ्या एकदिवसीय सामन्यात पाकिस्तानने झिम्बाब्वेचा 10 गडी राखून केला पराभव, सॅम अयुबने ठोकले शतक, पाहा सामन्याचे स्कोअरकार्ड
146 धावांच्या लक्ष्याचा पाठलाग करण्यासाठी उतरलेल्या पाकिस्तान संघाची सुरुवात चांगली झाली. सैम अयुब आणि अब्दुल्ला शफीक या सलामीच्या जोडीने झिम्बाब्वेच्या गोलंदाजांना एकही संधी दिली नाही.
Zimbabwe National Cricket Team vs Pakistan National Cricket Team Match Scorecard: झिम्बाब्वे राष्ट्रीय क्रिकेट संघ विरुद्ध पाकिस्तान राष्ट्रीय क्रिकेट संघ 3 सामन्यांच्या एकदिवसीय मालिकेतील (ODI Series) दुसरा सामना 26 नोव्हेंबर (मंगळवार) रोजी बुलावायो (Bulawayo) येथील क्वीन्स स्पोर्ट्स क्लब (Queens Sports Club) येथे खेळला गेला. दुसऱ्या एकदिवसीय सामन्यात पाकिस्तानने झिम्बाब्वेचा 10 गडी राखून पराभव करत मालिकेत 1-1 अशी बरोबरी साधली. या सामन्यात पाकिस्तानच्या सैम अयुबने कारकिर्दीतील सर्वोत्तम खेळी खेळली आणि नाबाद 113 धावा केल्या. या कामगिरीसाठी त्याला सामनावीर म्हणून निवडण्यात आले. दोन्ही संघांमधील निर्णायक सामना रोमांचक होण्याची अपेक्षा आहे, जिथे मालिका जिंकण्यासाठी दोन्ही संघांमध्ये चुरशीची स्पर्धा असेल. (हेही वाचा - Border–Gavaskar Trophy: पर्थमध्ये टीम इंडियाच्या ऐतिहासिक विजयानंतर प्रशिक्षक गौतम गंभीर भारतात परतले, जाणून घ्या कारण)
नाणेफेक जिंकल्यानंतर झिम्बाब्वेने प्रथम फलंदाजी करण्याचा निर्णय घेतला, परंतु तो त्यांच्या बाजूने गेला नाही. तडीवनाशे मारुमणी पहिल्याच षटकात धावबाद झाल्याने संघाला धक्का बसला. यानंतर झिम्बाब्वेचा डाव गडगडला आणि संपूर्ण संघ 32.3 षटकात अवघ्या 145 धावांवर आटोपला. डीओन मायर्सने 33 आणि सीन विल्यम्सने 31 धावांचे योगदान दिले, मात्र इतर फलंदाज जास्त वेळ क्रीझवर टिकू शकले नाहीत. पाकिस्तानकडून अबरार अहमदने 4 आणि सलमान अली आघाने 3 बळी घेत झिम्बाब्वेला मोठी धावसंख्या करण्यापासून रोखले.
146 धावांच्या लक्ष्याचा पाठलाग करण्यासाठी उतरलेल्या पाकिस्तान संघाची सुरुवात चांगली झाली. सैम अयुब आणि अब्दुल्ला शफीक या सलामीच्या जोडीने झिम्बाब्वेच्या गोलंदाजांना एकही संधी दिली नाही. सैम अयुबने 62 चेंडूत 12 चौकार आणि 5 षटकारांसह नाबाद 113 धावांची तुफानी खेळी केली. त्याचवेळी अब्दुल्ला शफीकने संयमी फलंदाजी करत 48 चेंडूत 32 धावा केल्या. पाकिस्तानने एकही विकेट न गमावता अवघ्या 18.2 षटकांत हे लक्ष्य गाठले.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
