QuickLY
Socially
LSG vs CSK, IPL 2024 34th Match: आज इंडियन प्रीमियर लीग 2024 चा 34 वा सामना (IPL 2024) लखनौ सुपर जायंट्स आणि चेन्नई सुपर किंग्ज (LSG vs CSK) यांच्यात होणार आहे. लखनौच्या घरच्या मैदानावरील भारतरत्न श्री अटल बिहारी वाजपेयी एकना क्रिकेट स्टेडियमवर संध्याकाळी 7.30 वाजता दोन्ही संघांमधील हा सामना सुरू होईल. चेन्नई सुपर किंग्सने आतापर्यंत 6 सामने खेळले असून 4 जिंकले आहेत. सांघिक गुणतालिकेत चेन्नई सुपर किंग्ज 8 गुणांसह तिसऱ्या स्थानावर आहे. दुसरीकडे, लखनौ सुपर जायंट्सने 6 पैकी 3 सामने जिंकले असून, संघ गुणतालिकेत 5व्या क्रमांकावर आहे. (हे देखील वाचा: LSG vs CSK, IPL 2024 34th Match Live Streaming: आज लखनौ सुपर जायंट्स आणि चेन्नई सुपर किंग्स संघांत होणार लढत, कधी अन् कुठे पाहणार घ्या जाणून)
हेड टू हेड आकडेवारी
आयपीएलच्या इतिहासात आतापर्यंत दोन्ही संघ एकूण 3 सामन्यांमध्ये आमनेसामने आले आहेत. या कालावधीत चेन्नई सुपर किंग्जने 1 सामना जिंकला आहे आणि लखनौ सुपर जायंट्सने 1 सामना जिंकला आहे. दरम्यान, 1 सामन्यात कोणताही निकाल लागला नाही. दोन्ही संघांमधील सर्वोच्च धावसंख्या चेन्नई सुपर किंग्जच्या नावावर (217) नोंदली गेली आहे. मागील हंगामात चेन्नई सुपर किंग्जने लखनौ सुपर जायंट्सचा 12 धावांनी पराभव केला होता.
दोन्ही संघांची संभाव्य प्लेइंग 11
लखनौ सुपर जायंट्स: क्विंटन डी कॉक, केएल राहुल (कर्णधार आणि यष्टिरक्षक), दीपक हुडा, आयुष बडोनी, मार्कस स्टॉइनिस, निकोलस पूरन, क्रुणाल पंड्या, मोहसिन खान, रवी बिश्नोई, मयंक यादव, यश ठाकूर.
चेन्नई सुपर किंग्ज: रचिन रवींद्र, ऋतुराज गायकवाड (कर्णधार), अजिंक्य रहाणे, शिवम दुबे, डॅरिल मिशेल, महेंद्रसिंग धोनी (विकेटकीपर), समीर रिझवी, तुषार देशपांडे, मुस्तफिजुर रहमान, मथिशा पाथिराना.
