श्रीलंकाविरुद्ध इंदोरच्या होळकर स्टेडियममधील दुसऱ्या टी-20 सामन्यात टीम इंडियाने एकतर्फी विजय मिळवला आणि श्रीलंकेचा 7 विकेटने धुव्वा उडवला. या विजयसह भारताने 3 सामन्यांच्या मालिकेत 1-0 ने आघाडी घेतली आहे. भारताकडून केएल राहुल याने सर्वाधिक 45 तर शिखर धवन याने 22 धावा केल्या.

दुखापतीतून भारतीय संघात पुनरागमन केलेला शिखर धवन फलंदाजीत खास कामगिरी करू शकला नाही. वनिंदूं हंसरंगाने धवनला एलबीडब्ल्यू आऊट करत माघारी धाडले. धवनने 29 चेंडूंचा सामना करत 2 चौकाराच्या मदतीने 32 धावा केल्या. 

संघाच्या एकूण 71 धावांच्या स्कोरवर भारताला पहिला धक्का बसला. केएल राहुलनेला  दहाव्या षटकातील पहिल्याच चेंडूवर वनिंदू हसरंगाने 45 धावांवर बोल्ड करत माघारी धाडले. 

श्रीलंकेने दिलेल्या 143 धावांच्या प्रत्युत्तरात शिखर धवन आणि केएल राहुल यांनी भारताला चांगली सुरुवात करून दिली आहे. 6 ओव्हरनंतर भारताने एकही विकेट न गमावता 54 धावा केल्या. राहुल 42, तर धवन 15 धावांवर खेळत आहे. 

भारत आणि श्रीलंका यांच्यातील तीन सामन्यांच्या टी-20 मालिकेतील  दुसऱ्या सामन्यात पहिले फलंदाजी करत श्रीलंकेने निर्धारित 20 ओव्हरमध्ये 9 बाद 142 धावा केल्या आणि टीम इंडियासमोर 143 धावांचे लक्ष्य ठेवले.  वनिंदू हसरंगा आणि लाहिरू कुमारा अनुक्रमे 16 आणि 0 धावांवर नाबाद परतले.   

श्रीलंकेच्या संघाला सातवा धक्का धनंजय डीसिल्वाच्या रूपात लागला, त्याने 17 धावा केल्या आणि शार्दुल ठाकूरच्या चेंडूवर शिवम दुबेकडे झेलबाद झाला. 

जसप्रीत बुमराहने दसून शनाकाला 7 धावांवर बाद करत भारताला सहावे यश मिळवून दिले.

श्रीलंका संघाला पाचवा धक्का बसला. नवदीप सैनीने भानुका राजपक्षेला रिषभ पंतकडे कॅच आऊट केले. त्याने 12 चेंडूत 1 चौकारासह9 धावा केल्या. 

श्रीलंकेचा यष्टिरक्षक फलंदाज कुशल परेरा 28 चेंडूत तीन षटकारांच्या मदतीने 34 धावा करून कुलदीप यादवचा दुसरा बळी ठरला. परेराला कुलदीपने शिखर धवनकडे झेलबाद केले.  

फिरकी गोलंदाज कुलदीप यादव ने भारताला तिसरे यश मिळवून दिले. कुलदीपच्या चेंडूवर ओशदा फर्नांडोने मोठा शॉट खेळण्याचा प्रयत्न केला, पण चेंडू विकेटकीपर रिषभ पंतकडे गेला, ज्याने ओशदाला स्टंप आऊट केले. फर्नांडोने 9 चेंडूंचा सामना करत एका चौकारासह 10 धावा केल्या. 

Load More

भारत (India) आणि श्रीलंका (Sri Lanka) यांच्यातील तीन सामन्यांच्या टी-20 मालिकेतील दुसरा सामना आज इंदोरच्या होळकर स्टेडियमवर (Holkar Stadium) खेळला जाईल. गुवाहाटीमधील पहिला सामना पावसामुळे रद्द झाल्याने दुसऱ्या सामन्याने मालिकेला सुरुवात होत आहे. आजचा सामना जिंकून दोन्ही संघ मालिकेत आघाडी घेऊ इच्छित असेल. गुवाहाटी वॉशआऊटनंतर भारत आणि श्रीलंका दोघेही नवीन वर्षात आपले खाते उघडत विजयी आघाडी घेण्याच्या उद्धेशान्त मैदानात उतरतील. आजचा सामना जिंकून श्रीलंका भारतावर दबाव आणण्याचा प्रयत्न करेल. मात्र, श्रीलंकासह अजून एकावर दबाव असणार आहे आणि तो म्हणजे टीम इंडियाचा सलामी फलंदाज शिखर धवन (Shikhar Dhawan). दुखापतीमुळे महत्वाच्या मालिका न खेळू शकलेला धवन या मालिकेसह पुनरागमन करत आहे. टीम इंडियामध्ये आपले स्थान कायम ठेवण्यासाठी धवनला या मालिकेत प्रभावी कामगिरी करण्याची गरज आहे. त्याच्या अनुपस्थितीत केएल राहुल (KL Rahul) याने सलामी फलंदाज म्हणून प्रभावी कामगिरी केली आणि संघात स्थान जवळ-पास निश्चित केले. या मालिकेद्वारे धवनला फॉर्ममध्ये परतण्याची संधी आहे. त्याने शेवटच्या 13 डावांमध्ये एकही अर्धशतक केले नाही. यंदा त्याचा साथीदार रोहित शर्माला विश्रांती देण्यात आल्याने धवन राहूलसह डावाची सुरूवात करेल. (मॅचचा लाईव्ह स्कोअर पाहण्यासाठी येथे क्लिक करा)

योगायोगाने, होळकर स्टेडियमवरील पहिला टी-20 सामना भारत आणि श्रीलंका यांच्यात खेळला गेला आणि टीम इंडियाने यात 88 धावांनी विजय मिळवला होता. टीम इंडियाचा होळकर स्टेडियमवरील रेकॉर्ड चांगला आहे, त्यांनी सर्व फॉरमॅटमध्ये या मैदानावर खेळत एकही सामना गमावला नाही. संघाचा सध्याचा फॉर्म पाहता भारत विजयाचा प्रभात दावेदार आहे, मात्र श्रीलंकेला ते कमी लेखू शकत नाही. श्रीलंकेने ऑक्टोबर 2019 मध्ये पाकिस्तान दौर्‍यावर टी -20 मालिकेत 3-0 ने यजमानांना क्लीन स्वीप केले होते. मात्र, त्यानंतर श्रीलंकेला ऑस्ट्रेलियामध्ये पराभवाचा सामना करावा लागला होता.

असा आहे भारत-श्रीलंका संघ

भारत: विराट कोहली (कॅप्टन), शिखर धवन, केएल राहुल, श्रेयस अय्यर, मनीष पांडे, संजू सैमसन, रिषभ पंत (विकेटकीपर), शिवम दुबे, युजवेंद्र चहल, कुलदीप यादव, रवींद्र जडेजा, जसप्रीत बुमराह, शार्दुल ठाकुर, नवदीप सैनी आणि वॉशिंग्टन सुंदर.

श्रीलंका: लसिथ मलिंगा (कॅप्टन), कुसल परेरा, दनुष्का गुणथिलाका, अविष्का फर्नांडो, भानुका राजपक्षे, ओशदा फर्नांडो, दासुन शनाका, अँजेलो मॅथ्यूज, निरोशन डिकवेला, कुसल मेंडिस, वनिंदू हसरंगा, लक्षन संदकन, धनंजया डी सिल्वा, लाहिरू कुमारा, इसुरु उदाना.