टीम इंडियाविरुद्ध 3 सामन्यांच्या मालिकेतील पहिल्या वनडे सामन्यात यजमान न्यूझीलंड संघाने 4 विकेटने विजय मिळवला आणि मालिकेत 1-0 ने आघाडी घेतली. भारताने दिलेल्या 347 धावांच्या लक्ष्याचा पाठलाग करत किवी संघाने रॉस टेलर याचे शतक, हेन्री निकोल्स आणि कर्णधार टॉम लाथम यांच्या अर्धशतकाच्या जोरावर विजय मिळवला. 

न्यूझीलंडला पहिला वनडे जिंकण्यासाठी 30 चेंडूत 21 धावांची गरज आहे. रॉस टेलर 103 आणि जेम्स निशाम 9 धावा करून खेळत आहे. 

भारतीय संघाचा अनुभवी फिरकी गोलंदाज कुलदीप यादवने 69 च्या वैयक्तिक धावांवर कीवी कर्णधार टॉम लाथमला बाद करून भारतीय संघाला चौथे यश मिळवून दिले.

भारत विरुद्ध न्यूझीलंड यांच्यात हॅमिल्टनच्या सेडान पार्क स्टेडियमवर खेळल्या गेलेल्या पहिल्या वनडे सामन्यात लक्ष्याचा पाठलाग करणाऱ्या कीवी संघाने 40 षटकांच्या समाप्तीनंतर 3 गडी गमावून 292 धावा केल्या आहेत. रॉस टेलर सध्या 93 आणि कर्णधार टॉम लाथम 62 धावा करून खेळत आहे. विजयासाठी अद्याप संघाला 61 चेंडूंत 60 धावांची आवश्यकता आहे.

कुलदीप यादव ने 34 वी ओव्हर टाकली आणि टॉम लाथमने षटकातील तिसर्‍या चेंडूवर षटकार खेचला न्यूझीलंडची धावसंख्या 200 वर आणली. रॉस टेलर आणि टॉम लाथम यांनी 43 चेंडूत 62 धावांची भागीदारी केली आणि 37 ओव्हरनंतर किवी संघाने 3 गडी गमावून 250 धावा पूर्ण केल्या.  न्यूझीलंडला 78 चेंडूत अजून 98 धावा करायच्या आहेत.  टेलर 73 आणि लाथम 41 धावा करून खेळत आहे. 

न्यूझीलंडच्या संघाला विजयासाठी 8.82 च्या धावांच्या दराने धावा करण्याची आवश्यकता आहे, मात्र सध्या ते केवळ 5.77 च्या दराने धावा करत आहेत. लाथम आणि टेलर मोठी भागीदारी करण्याचा प्रयत्न करीत आहेत पण त्यांना धावांचा वेगही वाढवावा लागणार आहे. न्यूझीलंडला विजयासाठी 107 चेंडूत अजून 159 धावांची गरज आहे. 

किवी संघाला तिसरा धक्का हेन्री निकोलसच्या रूपात लागला, जो विराट कोहलीच्या जबरदस्त फिल्डिंगचा शिकार बनला आणि 11 चौकार मारत 78 धावा केल्या. 

भारताने पहिले फलंदाजी करत दिलेल्या 348 धावांच्या लक्ष्याच्या प्रत्युत्तरात किवी सलामी फलंदाज हेन्री निकोल्स शतकाच्या जवळ पोहचला आहे. निकोल्स सध्या 77 धावा करून खेळत आहे. न्यूझीलंडने 26 ओव्हरयामध्ये 2 विकेट्स गमवून 156 धावा केल्या. रॉस टेलर 26 धावा करून निकोल्सला साथ देत आहे. 

भारतीय संघाचा फिरकी गोलंदाज कुलदीप यादवने 9 धावांच्या वैयक्तिक धावांवर कीवी फलंदाज टॉम ब्लंडलला बाद करून टीम इंडियाला दुसरे यश मिळवून दिले. ब्लंडलने 10 चेंडूंचा सामना करत एक चौकार ठोकला.

हेन्री निकोलसने 18 व्या ओव्हरमधील तिसऱ्या चेंडूवर चौकार मारला आणि 60 चेंडूत आपले अर्धशतक पूर्ण केले. या डावात त्याने 6 चौकार लगावले.

प्रदीर्घ प्रतीक्षेनंतर भारताला पहिले यश मिळाले. शार्दूल ठाकूरने किवी सलामी फलंदाज मार्टिन गप्टिलला थर्ड मॅन केदार जाधवकडे कॅच आऊट केले. गप्टिलने आज 41 चेंडूत 32 धावा केल्या. यात एक चौकाराचाही समावेश आहे. 

टीम इंडियाने पहिले बॅटिंग करत न्यूझीलंडला धावांचे लक्ष्य दिले. याच्या प्रत्युत्तरात किवी संघाने पहिल्या 10 ओव्हरमध्ये एकही गडी न गमावता 54 धावा केल्या. मार्टिन गप्टिल 16 आणि हेन्री निकोल्स 31 धावा करून खेळत आहे. 

टीम इंडियाने दिलेल्या 348 धावांच्या लक्ष्याचा पाठलाग करत न्यूझीलंड डावाची सुरुवात झाली आहे. किवी संघाकडून मार्टिन गप्टिल आणि हेन्री निकोल्स यांनी डावाची सुरुवात केली. चार ओव्हरनंतर यजमान संघाने एकही विकेट न गमावता 23 धावा केल्या. गप्टिल 6 आणि निकोल्स 10 धावा करून खेळत आहे. 

किवी संघाचा कर्णधार टॉम लाथमने नाणेफेक जिंकून प्रथम गोलंदाजीचा निर्णय घेतला. अशा प्रकारे भारताने पहिले फलंदाजी केली आणि निर्धारित 50 ओव्हरमध्ये 4 विकेट्स गमावून 347 धावा केल्या आणि यजमान संघाला पहिला वनडे जिंकण्यासाठी 348 धावांचे लक्ष्य दिले. पहिले फलंदाजी करत टीम इंडियासाठी चौथ्या स्थानावर आलेल्या श्रेयस अय्यर याने शतकी कामगिरी केली.

श्रेयस अय्यरने 101 बॉलमध्ये पहिले एकदिवसीय शतक पूर्ण केले. मात्र, तो 103 धावांवर बाद झाला. श्रेयसने केएल राहुल सह शतकी भागीदारी करत भारताचा डाव सर्वाला आणि संघाला मोठ्या धावसंख्येकडे नेले. 

केएल राहुलने 42 व्या षटकातील दुसऱ्या चेंडूवर एकच धावा काढून आपले अर्धशतक पूर्ण केले. यानंतर याच ओव्हरच्या पाचव्या चेंडूवर श्रेयस अय्यरने वनडे कारकिर्दीतील पहिले शहतक ठोकले. श्रेयसने शतकी डावात 11 चौकार आणि 1 षटकार मारला.  दोघांत 93 चेंडूत 131 धावांची भागीदारी केली झाली आहे.

38 वी ओव्हर न्यूझीलंडकडून वेगवान गोलंदाज टीम साऊथीने टाकली. साऊथीच्या या ओव्हरमध्ये भारतीय फलंदाजांनी दोन षटकार आणि दोन एकेरीच्या मदतीने एकूण 14 धावा केल्या. 38 षटकांनंतर तीन गडी गमावून संघाची धावसंख्या 234 धावा आहे.

36 व्या ओव्हरच्या दुसऱ्या चेंडूवर केएल राहुलने एक धाव घेतली आणि यश भारताच्या २०० धावा पूर्ण झाल्या. राहुल 25 आणि श्रेयस अय्यर 59 धावा करून खेळत आहे. टीम इंडियाने पृथ्वी शॉ, मयंक अग्रवाल आणि विराट कोहलीच्या रूपात तीन विकेट्स गमावल्या आहेत. 

न्यूझीलंडकडून फिरकी गोलंदाज ईश सोधीने 33 वे ओव्हर टाकली. ईश सोधीच्या या षटकात भारतीय फलंदाजांनी पाच एकेरींच्या मदतीने एकूण पाच धावा केल्या. 33 षटकांनंतर तीन गडी गमावून संघाची धावसंख्या 177 धावा आहे.

ईश सोधीच्या षटकांच्या दुसर्‍या बॉलवर श्रेयस अय्यरने 49 चेंडूत एक धाव घेत अर्धशतक पूर्ण केले. वनडेमधील हे त्याचे सातवे अर्धशतक आहे.

29 व्या ओव्हरच्या चौथ्या चेंडूवर ईश सोढीने भारताला तिसरा झटका दिला. सोढीने शानदार गुगली टाकली आणि कर्णधार विराट कोहलीला बोल्ड केले. सोढीची गुगली विराटला समजली नाही आणि त्याला चकमा देऊन स्टंप्सवरील बेल्स उडाले. विराटने आज 63 चेंडूंचा सामना करत 6 चौकारांसह 51 धावा केल्या. 

सेडान पार्क स्टेडियमवर चांगली फलंदाजी करताना भारतीय संघाचा कर्णधार विराट कोहलीने एकदिवसीय कारकीर्दीतील 58 वे अर्धशतक पूर्ण केले आहे. कोहली सध्या सहा चौकारांच्या मदतीने 61 चेंडूंत 50 धावा करून खेळत आहे. 28 ओव्हरनंतर दोन गडी गमावून संघाची धावसंख्या 153 धावा आहे.

हॅमिल्टनच्या सेडान पार्क स्टेडियमवर भारत-न्यूझीलंड यांच्यातील पहिल्या वनडे सामन्यात भारतीय संघाने नाणेफेक गमावून पहिले फलंदाजी करताना 27.3 ओव्हरनंतर दोन गडी गमावून 151 धावा केल्या. कर्णधार विराट कोहली 50 आणि श्रेयस अय्यर संघाकडून 36 धावा करुन खेळत आहेत. पृथ्वी शॉ आणि मयंक अग्रवाल बाद आहेत. पृथ्वीने 20 आणि मयंकने 32 धावा केल्या.

पृथ्वी शॉ आणि मयंक अग्रवालची सलामी जोडी बाद झाल्यानंतर श्रेयस अय्यर आणि विराट कोहलीने डाव सांभाळा आहे. सुरुवातीच्या ब्रेक टाइमनंतर आता हळू हळू दोघेही मोकळेपणाने खेळत आहेत. दोघांमध्ये अर्धशतकी भागीदारीही पूर्ण झाली आहे.  टीम इंडियाने 19.1 ओव्हरमध्ये 100 धावा पूर्ण केल्या. विराट कोहली 26 आणि श्रेयस अय्यर 18 धावा करून खेळत आहे. 

17 ओव्हरचा खेळ झाला आहे आणि टीम इंडियाने २ गडी गमावून 90 धावा केल्या आहेत. विराट कोहली 24 आणि श्रेयस अय्यर 19 चेंडूत 8 धावा करून खेळत आहे. 

टॉस गमावून न्यूझीलंडविरुद्ध सावध सुरुवात केल्यावर भारताची नवीन सलामी जोडी पृथ्वी शॉ आणि मयंक अग्रवाल यांनी धावा करण्याचा वेग वाढवला, या मात्र दोघे पदार्पणाच्या सामन्यात प्रभाव पडू शकले नाही आणि अनुक्रमे 20 आणि 32 धावा करून आऊट झाले. भारताने 10 ओव्हरमध्ये 2 विकेट गमावून 55 धावा केल्या. विराट कोहली 1 आणि श्रेयस अय्यर 0 धावा करून खेळत आहे. 

पृथ्वी शॉनंतर टीम साऊथीने टीम इंडियाला दुसरा झटका दिला. साऊथीने भारताचा दुसरा सलामी फलंदाज मयंक अग्रवालला टॉम ब्लंडेलकडे कॅच आऊट केले. पहिल्या वनडे सामन्यात मयंकने 31 चेंडूंचा सामना करत 6 चौकारांसह 32 धावा केल्या. 

टीम इंडियाची नवीन सलामी जोडी मयंक अग्रवाल आणि पृथ्वी शॉ यांनी 7.5 ओव्हरमध्ये अर्धशतकी भागीदारी पूर्ण केली आणि यानंतरच्या चेंडूवर पृथ्वीला स्वस्तात आऊट करत कॉलिन डी ग्रैंडहोमने भारताला पहिला झटका दिला. पृथ्वीने पदार्पणाच्या सामन्यात 21 चेंडूंचा सामना करत 20 धावा केल्या आणि विकेटकीपर टॉम लाथमकडे कॅच आऊट  झाला. 

पृथ्वी शॉने सेट होण्यासाठी थोडा वेळ घेतला. हमीश बेनेटने चौथी ओव्हर टाकली आणि शॉने अखेरच्या दोन चेंडूंमध्ये सलग दोन चौकार ठोकले. तो हळूहळू मोकळेपणाने खेळण्यास सुरवात करत आहेत

न्यूझीलंडविरुद्ध टॉस गमावून पहिले फलंदाजी करत पृथ्वी शॉ आणि मयंक अग्रवालने भारतासाठी डावाची सुरुवात केली. दोघे सावध खेळ करत आहे आणि 4 ओव्हरनंतर टीम इंडियाने एकही विकेट न गमावता 21 धावा केल्या आहे. पृथ्वी 13 आणि मयंक 7 धावा करून खेळत आहे. 

भारत: पृथ्वी शॉ, मयंक अग्रवाल, विराट कोहली (कॅप्टन), श्रेयस अय्यर, केएल राहुल (विकेटकीपर), केदार जाधव, रवींद्र जडेजा, शार्दुल ठाकूर, मोहम्मद शमी, कुलदीप यादव, जसप्रीत बुमराह

न्यूझीलंड: मार्टिन गप्टिल, हेन्री निकोलस, टॉम ब्लंडेल, रॉस टेलर, टॉम लाथम, जिमी नीशम, कॉलिन डी ग्रॅन्डहोम, मिशेल सॅटनर, ईश सोधी, टिम साउथी, हमीश बेनेट

भारत आणि न्यूझीलंड संघातील पहिला वनडे सामना हॅमिल्टनच्या सेडन पार्क मैदानात थोड्याच वेळात सुरु होणार आहे. सामन्यापूर्वी झालेल्या टॉसमध्ये किवी कर्णधार टॉम लाथम याने नाणेफेक जिंकली आणि पहिले गोलंदाजी करण्याचा निर्णय घेतला आहे.