SRH vs KKR IPL 2024 Final: कोलकाता आणि हैदराबाद यांच्यात होणार आयपीएल 2024 चा अंतिम सामना, वाचा दोन्ही संघांचा कसा होता प्रवास
क्वालिफायर-2 चा सामना शुक्रवारी चेन्नईच्या चेपॉक स्टेडियमवर सनरायझर्स हैदराबाद आणि राजस्थान रॉयल्स (SRH vs RR) यांच्यात खेळवला गेला. या सामन्यात हैदराबादने राजस्थानचा 36 धावांनी पराभव करत तिसऱ्यांदा आयपीएल फायनलमध्ये धडक घेतली आहे.
SRH vs KKR IPL 2024 Final: आयपीएल 2024 (IPL 2024) क्वालिफायर-2 चा सामना शुक्रवारी चेन्नईच्या चेपॉक स्टेडियमवर सनरायझर्स हैदराबाद आणि राजस्थान रॉयल्स (SRH vs RR) यांच्यात खेळवला गेला. या सामन्यात हैदराबादने राजस्थानचा 36 धावांनी पराभव करत तिसऱ्यांदा आयपीएल फायनलमध्ये धडक घेतली आहे. चेन्नईच्या चिदंबरम स्टेडियमवर रविवारी होणाऱ्या अंतिम लढतीत सनरायझर्स हैदराबाद संघ कोलकाता नाईट रायडर्सशी (KKR vs SRH) भिडणार आहे. नाणेफेक गमावल्यानंतर प्रथम फलंदांजीसाठी आलेल्या हैदराबादने राजस्थानसमोर 176 धावांचे लक्ष्य ठेवले. दुसरीकडे लक्ष्याचा पाठलाग करण्यासाठी आलेल्या राजस्थान रॉयल्स संघाला 20 षटकांत सात गडी गमावून केवळ 139 धावा करता आल्या. आता रविवारी कोलकाता नाईट रायडर्स आणि सनरायझर्स हैदराबाद यांच्यात अंतिम सामना रंगणार आहे. (हे देखील वाचा: Worst Ball In IPL History: एडन मार्करामने आरआरविरुद्धच्या दुसऱ्या क्वालिफायरमध्ये आयपीएलच्या इतिहासातील सर्वात वाईट नो-बॉल टाकला (Watch Video)
A round of applause for the #TATAIPL 2024 FINALISTS 😍
𝐊𝐨𝐥𝐤𝐚𝐭𝐚 𝐊𝐧𝐢𝐠𝐡𝐭 𝐑𝐢𝐝𝐞𝐫𝐬 🆚 𝗦𝘂𝗻𝗿𝗶𝘀𝗲𝗿𝘀 𝗛𝘆𝗱𝗲𝗿𝗮𝗯𝗮𝗱
A cracking #Final awaits on the 26th of May 💥
Scorecard ▶️ https://t.co/Oulcd2FuJZ#Qualifier2 | #SRHvRR | #TheFinalCall pic.twitter.com/bZNFqHPm8A
— IndianPremierLeague (@IPL) May 24, 2024
गौतम गंभीरच्या मार्गदर्शनाखाली केकेआरची अप्रतिम कामगिरी
कोलकाता नाईट रायडर्सने यंदाच्या मोसमाची सुरुवात सनरायझर्स हैदराबादविरुद्धच्या विजयाने केली. यानंतर केकेआरने श्रेयस अय्यरच्या नेतृत्वाखाली आणि गौतम गंभीरच्या मार्गदर्शनाखाली अप्रतिम कामगिरी केली. संघाने पहिले पाच सामने सलग जिंकले. आपल्या 14 साखळी सामन्यांमध्ये या संघाने केवळ 3 सामने गमावले आणि 9 सामने जिंकून प्लेऑफमध्ये स्थान मिळवले. केकेआर संघाने गुणतालिकेत अव्वल स्थान पटकावत प्लेऑफमध्ये प्रवेश केला. पहिल्या क्वालिफायरमध्ये संघाच्या गोलंदाज आणि फलंदाजांनी पुन्हा एकदा चमकदार कामगिरी केली आणि सनरायझर्स हैदराबादला पराभूत करून या मोसमात अंतिम फेरी गाठणारा पहिला संघ ठरला.
THAT WINNING FEELING 🤩✨#PlayWithFire #SRHvRR https://t.co/D3uHKENVsY
— SunRisers Hyderabad (@SunRisers) May 24, 2024
पॅट कमिन्सच्या नेतृत्वात हैदराबादची अविश्वसनीय कामगिरी
सनरायझर्स हैदराबाद नव्या कर्णधाराच्या नव्या विचाराने मैदानात उतरला. हैदराबादने या हंगामात पॅट कमिन्सची कर्णधार म्हणून निवड केली, ज्यांच्या नेतृत्वाने यावेळी अविश्वसनीय कामगिरी केली. मात्र, संघाची सुरुवात खराब झाली आणि केकेआरविरुद्ध लीगच्या पहिल्याच सामन्यात त्यांना पराभवाला सामोरे जावे लागले. पण त्यानंतर त्यांच्या सलामीच्या जोडी ट्रॅव्हिस हेड आणि अभिषेक शर्मा यांच्या स्फोटक खेळीमुळे संघाने आयपीएलच्या इतिहासातील सर्वोच्च धावसंख्या उभारून विरोधी गोलंदाजांच्या मनात भीती निर्माण केली आणि प्लेऑफमध्ये स्थान मिळवणारा संघ ठरला. हा संघ 14 सामन्यांत 8 विजय आणि 5 पराभवांसह गुणतालिकेत दुसऱ्या स्थानावर आहे. पहिल्या क्वालिफायरमध्ये त्यांना केकेआर विरुद्ध पराभवाचा सामना करावा लागला असला तरी, हैदराबादने दुसऱ्या क्वालिफायरमध्ये राजस्थानचा पराभव केला आणि आयपीएल इतिहासात तिसऱ्यांदा अंतिम फेरीत स्थान मिळवले.
(The above story first appeared on LatestLY on May 25, 2024 03:36 PM IST. For more news and updates on politics, world, sports, entertainment and lifestyle, log on to our website latestly.com).
