IND vs AFG T20 Series 2024: भारताचे 'हे' 9 खेळाडू पहिल्यांदाच अफगाणिस्तानविरुद्ध खेळणार, गिल आणि सॅमसनच्या नावांचा समावेश
भारतीय संघाला या मालिकेत पूर्णपणे वर्चस्व गाजवायचे आहे. टीम इंडियामध्ये असे काही खेळाडू आहेत जे पहिल्यांदाच अफगाणिस्तानविरुद्ध टी-20 सामना खेळणार आहेत. त्या खेळाडूंवर एक नजर टाकूया.
IND vs AFG T20 Series: भारत आणि अफगाणिस्तान (IND vs AFG) यांच्यातील तीन सामन्यांच्या टी-20 मालिकेतील पहिला सामना आज संध्याकाळी खेळला जाणार आहे. हा सामना मोहाली येथे होणार आहे. या सामन्यासाठी टीम इंडिया (Team India) पूर्णपणे तयार आहे. या सामन्यापूर्वी भारतीय संघ जोरदार मेहनत घेत आहे. 2024 च्या टी-20 विश्वचषकाच्या तयारीसाठी ही मालिका अत्यंत महत्त्वाची मानली जात आहे. त्यामुळेच रोहित शर्मा (Rohit Sharma) आणि विराट कोहलीसारखे (Virat Kohli) खेळाडू टीम इंडियात परतले आहेत. भारतीय संघाला या मालिकेत पूर्णपणे वर्चस्व गाजवायचे आहे. टीम इंडियामध्ये असे काही खेळाडू आहेत जे पहिल्यांदाच अफगाणिस्तानविरुद्ध टी-20 सामना खेळणार आहेत. त्या खेळाडूंवर एक नजर टाकूया.
हे खेळाडू पहिल्यांदाच अफगाणिस्तानविरुद्ध उतरणार मैदानात
अफगाणिस्तानविरुद्ध खेळल्या जाणाऱ्या टी-20 सामन्यात काही भारतीय खेळाडू आहेत जे पहिल्यांदाच अफगाणिस्तानविरुद्ध टी-20 सामना खेळणार आहेत. त्या खेळाडूंमध्ये सर्वात मोठे नाव म्हणजे शुभमन गिल. गिलने 2023 साली टीम इंडियासाठी पहिला टी-20 सामना खेळला. त्याच्या पदार्पणापासून गिलने न्यूझीलंड, दक्षिण आफ्रिका, श्रीलंका आणि वेस्ट इंडिजविरुद्ध फक्त टी-20 सामने खेळले आहेत. अशा स्थितीत गिलसाठी हे वेगळे आव्हान असेल. (हे देखील वाचा: Rohit Sharma New Record: कर्णधार रोहित शर्मा विश्वविक्रम मोडण्याच्या जवळ, जगातील सर्व टी-20 कर्णधार राहतील मागे)
शुभमन गिल व्यतिरिक्त संजू सॅमसन, कुलदीप यादव, आवेश खान आणि मुकेश कुमार हे देखील असे खेळाडू आहेत ज्यांनी अद्याप अफगाणिस्तानविरुद्ध एकही टी-20 सामना खेळलेला नाही. या खेळाडूंव्यतिरिक्त, टीम इंडियामध्ये आणखी काही खेळाडू आहेत जे अफगाणिस्तानविरुद्धच्या टी-20 सामन्यात प्लेइंग 11 चा भाग होते, परंतु तो सामना पावसामुळे रद्द झाला होता. हा सामना आशियाई क्रीडा स्पर्धेतील अंतिम सामना होता. ज्यामध्ये पावसामुळे सामना रद्द करण्यात आला आणि चांगल्या रँकिंगमुळे टीम इंडियाला विजय मिळवून देण्यात आला.
या खेळाडूंनाही पहिल्यादा संधी
त्या सामन्यात यशस्वी जैस्वाल, टिळक वर्मा, रिंकू सिंग आणि जितेश शर्मा यांचा प्लेइंग 11 मध्ये समावेश होता. मात्र, या खेळाडूंना संपूर्ण सामना खेळण्याची संधी मिळाली नाही आणि फलंदाजीही करता आली नाही. अशा परिस्थितीत एकूण 9 खेळाडू आहेत जे पहिल्यांदाच अफगाणिस्तानविरुद्ध टी-20 सामना खेळू शकतात. आता या 9 खेळाडूंपैकी रोहित शर्मा किती खेळाडूंना प्लेइंग 11 चा भाग बनवतो हे पाहणे उत्सुकतेचे ठरेल.
टीम इंडियाचा संघ अफगाणिस्तानविरुद्ध
रोहित शर्मा (कर्णधार), शुभमन गिल, यशस्वी जैस्वाल, विराट कोहली, टिळक वर्मा, रिंकू सिंग, जितेश शर्मा (यष्टीरक्षक), संजू सॅमसन (यष्टीरक्षक), शिवम दुबे, वॉशिंग्टन सुंदर, अक्षर पटेल, रवी बिश्नोई, कुलदीप यादव, अर्शदीप यादव, आवेश खान, मुकेश कुमार.
(The above story first appeared on LatestLY on Jan 11, 2024 04:53 PM IST. For more news and updates on politics, world, sports, entertainment and lifestyle, log on to our website latestly.com).
