India vs England, 1st ODI Match Key Players To Watch Out: टीम इंडिया आणि ऑस्ट्रेलिया यांच्यातील सामन्यात 'या' खेळाडूंवर असतील सर्वांच्या नजरा
टीम इंडियाने पाच सामन्यांच्या टी-20 मालिकेत इंग्लंडचा 4-1 असा पराभव केला होता. आता, टी-20 मालिकेनंतर टीम इंडियाचे लक्ष एकदिवसीय मालिकेवर आहे.
India National Cricket Team vs England National Cricket Team 1st ODI Match 2025: भारतीय राष्ट्रीय क्रिकेट संघ आणि इंग्लंड राष्ट्रीय क्रिकेट संघ यांच्यातील तीन सामन्यांच्या एकदिवसीय मालिकेतील (IND vs ENG 1st ODI) पहिला एकदिवसीय सामना आज म्हणजेच 6 फेब्रुवारी रोजी खेळला जाणार आहे. दोन्ही संघांमधील हा सामना नागपूरच्या विदर्भ क्रिकेट असोसिएशन स्टेडियमवर (Vidarbha Cricket Association Stadium) भारतीय वेळेनुसार दुपारी 1.30 वाजता खेळला जाईल. यापूर्वी, टीम इंडियाने पाच सामन्यांच्या टी-20 मालिकेत इंग्लंडचा 4-1 असा पराभव केला होता. टी-20 मालिकेनंतर टीम इंडियाचे लक्ष आता एकदिवसीय मालिकेवर आहे. रोहित शर्माच्या नेतृत्वाखाली टीम इंडिया एकदिवसीय सामन्यांमध्ये आपली ताकद दाखवू इच्छिते. एकदिवसीय मालिकेत टीम इंडियाचे नेतृत्व रोहित शर्मा करत आहे. तर, इंग्लंडची कमान जोस बटलरच्या खांद्यावर आहे. (India vs England, 1st ODI Match: इंग्लंडविरुद्धच्या एकदिवसीय मालिकेत विराट कोहलीकडे इतिहास रचण्याची सुवर्णसंधी, करु शकतो 'हा' मोठी विक्रम)
हेड टू हेड विक्रम
टीम इंडिया आणि इंग्लंड यांच्यातील आतापर्यंतच्या लढतींमध्ये भारतीय संघाने वरचढ कामगिरी केली आहे. टीम इंडियाने आतापर्यंत इंग्लंडविरुद्ध एकूण 107 एकदिवसीय सामने खेळले आहेत. या काळात टीम इंडियाने 58 एकदिवसीय सामने जिंकले आहेत. इंग्लंडने 44 एकदिवसीय सामने जिंकले आहेत. दरम्यान, 2 सामने बरोबरीत सुटले. घरच्या मैदानावर खेळताना, टीम इंडियाने इंग्लंडला 34 एकदिवसीय सामन्यांमध्ये पराभूत केले आहे आणि 17 मध्ये पराभव पत्करला आहे.
या खेळाडूंवर असणार सर्वांच्या नजरा
शुभमन गिल: टीम इंडियाचा स्टार फलंदाज शुभमन गिलने गेल्या सहा सामन्यांमध्ये 176.96 च्या प्रभावी स्ट्राईक रेटने आणि 35 च्या सरासरीने 315 धावा केल्या. शुभमन गिलने टीम इंडियासाठी अनेक शानदार खेळी खेळल्या आहेत.
रोहित शर्मा: टीम इंडियाचा कर्णधार रोहित शर्माने गेल्या 9 सामन्यांमध्ये 169.11 च्या स्ट्राईक रेटने 230 धावा केल्या आहेत. रोहित शर्माची स्फोटक सुरुवात संघाला मोठी धावसंख्या उभारण्यास मदत करते.
वरुण चक्रवर्ती: टीम इंडियाचा स्टार गोलंदाज वरुण चक्रवर्तीने गेल्या 6 सामन्यांमध्ये 7.04 च्या इकॉनॉमी आणि 9.6 च्या स्ट्राईक रेटसह 15 विकेट्स घेतल्या आहेत. आजच्या सामन्यातही वरुण चक्रवर्ती कहर करू शकतो.
जोस बटलर: इंग्लंडचा कर्णधार जोस बटलरने 8 सामन्यांमध्ये 42.8 च्या सरासरीने आणि 158.51च्या स्ट्राईक रेटने 214 धावा केल्या आहेत. जोस बटलरची शांत आणि आक्रमक फलंदाजीचे मिश्रण इंग्लंडच्या मधल्या फळीला स्थिरता प्रदान करते.
फिलिप साल्ट: इंग्लंडचा स्टार यष्टीरक्षक फलंदाज फिलिप साल्टने गेल्या 8 सामन्यांमध्ये 34 च्या सरासरीने आणि 99.63 च्या स्ट्राईक रेटने 272 धावा केल्या आहेत. आजच्या सामन्यातही फिलिप सॉल्ट त्याच्या बॅटने काहीतरी वेगळे करू शकतो.
हॅरी ब्रुक: इंग्लंडचा स्फोटक फलंदाज हॅरी ब्रुकने गेल्या 8 सामन्यांमध्ये 170 धावा केल्या आहेत. या काळात, हॅरी ब्रुकची सरासरी 34 आणि स्ट्राईक रेट 119.71 आहे. हॅरी ब्रुकच्या स्फोटक कामगिरीमुळे इंग्लंडला कठीण सामन्यांमध्ये बळ मिळते.
टीम इंडिया प्लेइंग इलेव्हन: रोहित शर्मा (कर्णधार), शुभमन गिल, विराट कोहली, श्रेयस अय्यर, ऋषभ पंत (यष्टीरक्षक) / केएल राहुल (यष्टीरक्षक), हार्दिक पंड्या, रवींद्र जडेजा, अक्षर पटेल / वरुण चक्रवर्ती, कुलदीप यादव, मोहम्मद शमी, अर्शदीप सिंग.
इंग्लंड प्लेइंग इलेव्हन: फिल साल्ट (यष्टीरक्षक), बेन डकेट, जो रूट, हॅरी ब्रूक, जोस बटलर (कर्णधार), लियाम लिव्हिंगस्टोन, जेकब बेथेल, ब्रायडन कार्स, जोफ्रा आर्चर, आदिल रशीद आणि साकिब महमूद.
(The above story first appeared on LatestLY on Feb 06, 2025 08:43 AM IST. For more news and updates on politics, world, sports, entertainment and lifestyle, log on to our website latestly.com).
