IND vs NZ 2nd Test 2024: पुणे कसोटीत भारतावर पराभवाचा धोका, 7 वर्ष जुना रेकॉर्डची होणार पुनरावृत्ती?

India National Cricket Team vs New Zealand National Cricket Team  Pune Test: भारत आणि न्यूझीलंड यांच्यातील दुसरा कसोटी सामना पुण्यातील एमसीए स्टेडियमवर खेळला जात आहे. मालिकेतील पहिला सामना गमावल्यानंतर टीम इंडिया 1-0 ने पिछाडीवर आहे. दुसरीकडे, पुणे कसोटीतही टीम इंडियाची स्थिती बिकट होताना दिसत आहे. पुणे टेस्टच्या पहिल्या दिवशी टीम इंडियाने न्यूझीलंडला 259 रन्सवर ऑलआऊट केलं होतं. त्याचवेळी टीम इंडिया पहिल्या डावात 156 धावावर ऑलआऊट झाले. आता टीम इंडियाचा 7 वर्ष जुना विक्रम घाबरू लागला आहे, त्यामुळे टीम इंडियावर पराभवाचा धोका निर्माण झाला आहे. (हे देखील वाचा: Yashasvi Jaiswal Milestone: यशस्वी जैस्वालने पुणे कसोटीत केला मोठा पराक्रम, जो रूटच्या खास क्लबमध्ये केली एन्ट्री)

काय आहे 7 वर्ष जुना रेकॉर्ड?

खरे तर 2017 मध्ये पुण्यातील या मैदानावर भारत आणि ऑस्ट्रेलिया यांच्यात कसोटी सामना खेळला गेला होता. या सामन्यात ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला. त्यानंतर प्रथम फलंदाजी करताना ऑस्ट्रेलियन संघ 260 धावांवर ऑलआऊट झाला. यानंतर टीम इंडिया या मॅचच्या पहिल्या इनिंगमध्ये अवघ्या 105 रन्सवर आटोप झाली. विशेष म्हणजे या सामन्याच्या पहिल्या डावातही विराट कोहली शून्यावर बाद झाला होता. त्यावेळी कोहली टीम इंडियाचा कर्णधार होता.

रोहित शर्मा शुन्यावर बाद

जर आपण दोन्ही सामन्यांबद्दल बोललो तर ऑस्ट्रेलिया आणि न्यूझीलंडच्या धावसंख्येमध्ये फक्त 1 धावांचा फरक आहे. त्यावेळी टीम इंडियाचा कर्णधार विराट कोहली पहिल्या डावात शून्यावर बाद झाला होता, तर आता न्यूझीलंडविरुद्धच्या पहिल्या डावात फलंदाजी करताना भारतीय कर्णधार रोहित शर्मा शून्यावर बाद झाला. त्या सामन्यात ऑस्ट्रेलियाने 333 धावांनी मोठा विजय मिळवला होता. आता हा जुना रेकॉर्ड टीम इंडियाला घाबरवत आहे.

(The above story first appeared on LatestLY on Oct 25, 2024 04:11 PM IST. For more news and updates on politics, world, sports, entertainment and lifestyle, log on to our website latestly.com).