IND vs NZ: वानखेडे स्टेडियममध्ये दुसऱ्या भारत-न्यूझीलंड कसोटीसाठी प्रेक्षकांना परवानगी, पण फक्त ‘इतक्या’ चाहत्यांना मिळणार एन्ट्री
वानखेडे स्टेडियम (Photo credits: Wikimedia Commons)

भारत आणि न्यूझीलंड यांच्यातील दोन कसोटी सामन्यांच्या मालिकेतील दुसरा सामना मुंबईत होणार आहे. 3 डिसेंबरपासून मुंबईत होणाऱ्या दुसऱ्या कसोटी दरम्यान वानखेडे स्टेडियमच्या क्षमतेच्या केवळ 25 टक्केच प्रेक्षकांना स्टेडियममधून थेट सामना पाहण्याची परवानगी महाराष्ट्र राज्य सरकारकडून देण्यात आली आहे. यजमान युनियनचे म्हणणे आहे की ते संख्या वाढवण्याचा प्रयत्न करीत आहेत. वानखेडे स्टेडियममध्ये 30,000 प्रेक्षांची क्षमता आहे. पीटीआयनुसार, मुंबई क्रिकेट असोसिएशनच्या एका अधिकाऱ्याने सांगितले की ते मर्यादा 25% वरून 50% पर्यंत वाढवण्याचा प्रयत्न करतील. “मुख्य सचिवांनी स्वाक्षरी केलेल्या महाराष्ट्र सरकारच्या सामान्य आदेशानुसार, वानखेडे चाचणीसाठी आत्तापर्यंत 25% चाहत्यांना परवानगी आहे. MCA अजूनही आशावादी आहे की ते आम्हाला 50% दर्शकांसाठी परवानगी देईल,” असे अधिकारी म्हणाले.

दरम्यान, मुंबईच्या या प्रसिद्ध स्टेडियमवर डिसेंबर 2016 मध्ये इंग्लंडविरुद्ध कसोटी सामना खेळला गेला होता. गेल्या वर्षी कोविड-19 महामारीने क्रीडा स्पर्धांवर ब्रेक लावल्यानंतर या सामन्यासह प्रतिष्ठित ठिकाणी आंतरराष्ट्रीय क्रिकेटचे पुनरागमन होईल. याशिवाय न्यूझीलंड आणि यजमान भारतीय संघात दोन सामन्यांच्या मालिकेतील पहिली कसोटी सध्या कानपूरच्या ग्रीन पार्कमध्ये सुरू आहे. आज सामन्याच्या चौथ्या दिवसाचा खेळ सुरु होईल. भारताने तिसऱ्या दिवशी सामन्यात शानदार पुनरागमन करत किवींना 296 धावांवर गुंडाळले. भारताकडून अक्षर पटेलने सर्वाधिक 5 आणि अश्विनने 3 विकेट घेतल्या. अजिंक्य रहाणेच्या टीम इंडियाकडे सध्या 63 धावांची आघाडी असून दुसऱ्या डावात 9 विकेट शिल्लक आहेत. तिसऱ्या दिवसाचा खेळ संपला तेव्हा भारताने दुसऱ्या डावात 1 गडी गमावून 14 धावा केल्या आहेत. चेतेश्वर पुजारा 9 आणि मयंक अग्रवाल 4 धावांवर नाबाद आहेत.

यापूर्वी भारताकडून फलंदाजी दरम्यान कसोटी क्रिकेटमध्ये पदार्पण करत श्रेयस अय्यरने जोरदार शतक झळकावले होते. कसोटी पदार्पणात शंभरी धावसंख्येचा टप्पा गाठणारा अय्यर भारताचा 16 वा फलंदाज बनला. याच्याशिवाय शुभमन गिल आणि रवींद्र जडेजा यांनी अर्धशतकी धावांचे योगदान दिले.