IND vs AUS 1st Test Day 3 Live Straming: पर्थ कसोटीच्या तिसऱ्या दिवसला सुरूवात, मैदानावर यशस्वी जैस्वाल-केएल राहुल; भारताने घेतली 224 धावांची आघाडी
IND vs AUS: दुसऱ्या डावात यशस्वी जैस्वाल आणि केएल राहुल यांनी शानदार फलंदाजी करत दुसऱ्या दिवसाचा खेळ संपेपर्यंत एकही विकेट न गमावता 172 धावा केल्या होत्या. जैस्वाल 90 आणि राहुल 62 धावा करून क्रीजवर आहेत. भारताकडे आता एकूण 224 धावांची आघाडी आहे.
India National Cricket Team vs Australia Men's Cricket Team: भारत-ऑस्ट्रेलिया (IND vs AUS) बॉर्डर-गावस्कर ट्रॉफीला (Border-Gavaskar Trophy 2024-25) शुक्रवारपासून सुरुवात झाली आहे. पहिला कसोटी सामना पर्थ येथे खेळवला जात आहे. रोहितच्या जागी जसप्रीत बुमराह पहिल्या कसोटीत कार्यवाहक कर्णधार म्हणून टीम इंडियाची जबाबदारी घेत आहे. त्याचबरोबर ऑस्ट्रेलियाची धुरा पॅट कमिन्सच्या हाती आहे. दरम्यान, तिसऱ्या दिवसाच्या खेळाला सुरुवात झाली आहे. दुसऱ्या दिवसाचा खेळ संपेपर्यंत भारताने यजमानांवर आपली पकड घट्ट केली होती. नाणेफेक जिंकून प्रथम फलंदाजीला आलेली टीम इंडिया भलेही 150 धावांत गुंडाळली गेली असेल, परंतु जसप्रीत बुमराहच्या नेतृत्वाखालील भारतीय गोलंदाजीने चमकदार कामगिरी करत ऑस्ट्रेलियाचा डाव 104 धावांत गुंडाळला आणि 46 धावांची आघाडी घेतली.
राहुल-जैस्वालची शानदार फलंदाजी
दुसऱ्या डावात यशस्वी जैस्वाल आणि केएल राहुल यांनी शानदार फलंदाजी करत दुसऱ्या दिवसाचा खेळ संपेपर्यंत एकही विकेट न गमावता 172 धावा केल्या होत्या. जैस्वाल 90 आणि राहुल 62 धावा करून क्रीजवर आहेत. भारताकडे आता एकूण 224 धावांची आघाडी आहे. (हे देखील वाचा: Yashasvi Jaiswal New Record: ऑस्ट्रेलियाविरुद्ध यशस्वी जैस्वालने केला मोठा पराक्रम, ब्रेंडन मॅक्क्युलमचा विक्रम काढला मोडीत)
1ST Test. 58.4: Mitchell Starc to Yashasvi Jaiswal 4 runs, India 185/0 https://t.co/dETXe6cqs9 #AUSvIND
— BCCI (@BCCI) November 24, 2024
कधी अन् कुठे पाहणार सामना?
भारतातील चाहत्यांना सकाळी 7.50 वाजता टीव्ही किंवा ऑनलाइनवर होणाऱ्या पहिल्या कसोटी सामन्याचे थेट प्रेक्षपण पाहता येईल. या मालिकेचे प्रसारण स्टार स्पोर्ट्स नेटवर्कवर टीव्हीवर होणार आहे. त्याच वेळी, डीडी स्पोर्ट्सवर लाइव्ह ॲक्शनचा मोफत आनंद घेता येईल. त्याच वेळी, त्याचे लाइव्ह स्ट्रीमिंग Disney + Hotstar वर पाहता येईल.
दोन्ही संघाची प्लेइंग 11
ऑस्ट्रेलिया (प्लेइंग इलेव्हन): उस्मान ख्वाजा, नॅथन मॅकस्वीनी, मार्नस लॅबुशेन, स्टीव्हन स्मिथ, ट्रॅव्हिस हेड, मिचेल मार्श, ॲलेक्स कॅरी (विकेटकीपर), पॅट कमिन्स (कर्णधार), मिचेल स्टार्क, नॅथन लियॉन, जोश हेझलवुड
भारत (प्लेइंग इलेव्हन): केएल राहुल, यशस्वी जैस्वाल, देवदत्त पडिक्कल, विराट कोहली, ऋषभ पंत (विकेटकीपर), ध्रुव जुरेल, नितीश रेड्डी, वॉशिंग्टन सुंदर, हर्षित राणा, जसप्रीत बुमराह (कर्णधार), मोहम्मद सिराज
(The above story first appeared on LatestLY on Nov 24, 2024 08:05 AM IST. For more news and updates on politics, world, sports, entertainment and lifestyle, log on to our website latestly.com).
