India Women U19 vs Malaysia Women U19 Live Streaming: दुबळ्या मलेशिया संघासमोर मजबूत भारतीय संघाचे मोठे आव्हान;भारतात सामना कधी आणि कुठे पहाल?
भारतीय महिला संघाने वेस्ट इंडिज महिलांचा नऊ विकेट्सने पराभव करून पहिला सामना जिंकला. गोलंदाजांनी विंडीजला फक्त 4 धावांत गुंडाळले आणि नंतर 4.2 षटकांत लक्ष गाठले. भारतीय संघाचा दुसरा सामना मलेशियासोबत होत आहे.
ICC Under 19 Womens T20 World Cup 2025 India Women U19 vs Malaysia Women U19 Live Streaming: भारत महिला अंडर-19 आणि मलेशिया महिला अंडर-19 संघातील (India Women U19 vs Malaysia Women U19) आजचा विश्वचषकाचा सामना क्वालालंपूरमधील बायुमास ओव्हल होत आहे. गट अ मध्ये दुसऱ्या सामन्यात दोन्ही संघा आमनेसामने येणार आहेत. गतविजेत्या भारताने उत्कृष्ट गोलंदाजीच्या जोरावर त्यांच्या पहिल्या सामन्यात वेस्ट इंडिजवर सहज विजय मिळवला. महिला संघाने विंडीजचा संघ फक्त 44 धावांत गुंडाळला. ज्यामध्ये पारुनिका सिसोदियाने तीन बळी घेतले. जोशिता व्हीजे आणि आयुषी शुक्ला यांनी प्रत्येकी दोन बळी घेतले तर विंडीजने तीन धावबाद होऊन स्वतःला आणखी मजबूत केले. भारतीय संघाने लक्ष्याचा पाठलाग करताना फक्त गोंगाडी त्रिशा हिला गमावले. त्यानंतर जी. कमलिनी आणि सानिका चालके यांनी भारतीय संघाला 4.2 षटकांत विजय मिळवून दिला. Sri Lanka U19 vs West Indies U19 Live Streaming: श्रीलंका आणि वेस्ट इंडिज संघ आमनेसामने; लाईव्ह स्ट्रीमिंग ऑनलाइन कसे पहाल?
दरम्यान, मलेशियाने त्यांचा पहिला सामना श्रीलंकेविरुद्ध 139 धावांनी गमावला. 163 धावांच्या लक्ष्याचा पाठलाग करताना मलेशियन संघ फक्त 23 धावांवर सर्वबाद झाला आणि त्यांना मोठा पराभव पत्करावा लागला. भारतीय संघ आपली विजयी मालिका कायम ठेवण्याचा प्रयत्न करेल तर मलेशिया डाव सुधारण्याचा प्रयत्न करेल.
भारत महिला विरुद्ध मलेशिया महिला अंडर-19 विश्वचषक सामना कधी होईल?
भारत आणि मलेशिया यांच्यातील 19 वर्षांखालील महिला विश्वचषक सामना 21 जानेवारी रोजी होणार आहे.
भारत महिला विरुद्ध मलेशिया महिला अंडर-19 विश्वचषक सामना किती वाजता सुरू होईल?
भारत महिला विरुद्ध मलेशिया महिला अंडर-19 विश्वचषक सामना भारतीय वेळेनुसार दुपारी 12 वाजता सुरू होईल.
भारत महिला विरुद्ध मलेशिया महिला अंडर-19 विश्वचषक सामना कुठे होईल?
भारत महिला विरुद्ध मलेशिया महिला अंडर-19 विश्वचषक सामना बायुमास ओव्हल, क्वालालंपूर येथे खेळवला जाईल.
भारत महिला विरुद्ध मलेशिया महिला अंडर-19 विश्वचषक सामना कसा पहाल?
भारत महिला विरुद्ध मलेशिया महिला अंडर-19 विश्वचषक सामना भारतातील स्टार स्पोर्ट्स नेटवर्क आणि डिस्ने+हॉटस्टारवर पाहता येईल.
दोन्ही देशांचे संघ:
मलेशिया महिला अंडर-19 संघ: नूर आलिया हैरुन (विकेटकीपर), इर्दिना बेह नाबिल, नझातुल हिदाया रझाली, नूर इज्जातुल स्याफिका, सुआबिका मनिव्हानान, नूर डानिया स्याहुदा (कर्णधार), नूरिमन हिदाया, नूर ऐन बिंती रोसलान, नूर इस्मा डानिया, सिती नझवाह, मार्सिया किस्तिना अब्दुल्ला, फतीन फकीहा अदानी, नेसरले येन अलिक, नुनी फारिनी सफ्री, नूर आल्या नोर्मिझान
भारत महिला अंडर-19 संघ: गोंगाडी त्रिशा, जी कमलिनी (विकेटकीपर), सानिका चालके, निकी प्रसाद (कर्णधार), भाविका अहिरे, मिथिला विनोद, आयुषी शुक्ला, जोशिता व्ही जे, पारुनिका सिसोदिया, शबनम एमडी शकील, सोनम यादव, वैष्णवी शर्मा, दृथी केसरी. , आनंदिता किशोर
(The above story first appeared on LatestLY on Jan 21, 2025 09:18 AM IST. For more news and updates on politics, world, sports, entertainment and lifestyle, log on to our website latestly.com).
