QuickLY
Socially
SRH vs RCB: चिन्नास्वामी क्रिकेट स्टेडियममध्ये असे काही घडले, जे आजपर्यंत घडले नव्हते. सनरायझर्स हैदराबादने रॉयल चॅलेंजर्स बंगळुरूविरुद्ध (SRH vs RCB) एक-दोन नव्हे तर अनेक मोठे विक्रम केले आहेत. हैदराबादसाठी ट्रॅव्हिस हेडने (Travis Head) शतकी खेळी खेळली आहे. हेड हैदराबादसाठी सर्वात जलद शतक झळकावणारा फलंदाज ठरला आहे. हेडशिवाय हेनरिक क्लासेननेही (Heinrich Classen) 67 धावांची शानदार खेळी केली आहे. शेवटी एडन मार्कराम आणि अब्दुल समद यांनीही तुफानी फलंदाजी केली. याच कारणामुळे हैदराबादला आयपीएलच्या इतिहासातील 288 धावांची सर्वाधिका मोठी धावसंख्या उभारता आली आहे. या सामन्यात कोणते 3 मोठे विक्रम झाले ते आम्ही तुम्हाला सांगतो.
1. हैदराबादने आयपीएलच्या इतिहासातील सर्वात मोठी धावसंख्या केली आहे. पॅट कमिन्सच्या सेनेने स्वतःचाच विक्रम मोडीत काढत पुन्हा आयपीएलमधील सर्वोच्च धावसंख्या केली आहे. या सामन्यापूर्वी याच मोसमात हैदराबादने मुंबईविरुद्ध खेळताना 277 धावा केल्या होत्या. यादरम्यान त्याने आरसीबीचा 263 धावांचा विक्रम मोडला. आता हैदराबादने अवघ्या 3 गडी गमावून 287 धावा केल्या आहेत. (हे देखील वाचा: Travis Head Century: बेंगळुरूमध्ये ट्रॅव्हिस हेडचा कहर, कोहली-बटलर-रोहितला मागे टाकून ठोकले सर्वात वेगवान शतक (Watch Video)
2. हैदराबादने एका डावात सर्वाधिक षटकार मारण्याचा विक्रमही मोडला आहे. हा विक्रमही आरसीबीच्या नावावर होता. बंगळुरूने 2013 मध्ये एका डावात 21 षटकार मारले होते. आता हैदराबादने या सामन्यात 22 षटकार ठोकले आहेत. अशा परिस्थितीत हैदराबादने आरसीबीविरुद्धच आरसीबीचा मोठा विक्रम मोडला आहे.
3. हैदराबादचा संघ कोणत्याही टी-20 सामन्यात सर्वाधिक धावा करणारा दुसरा संघ ठरला आहे. पहिल्या क्रमांकावर नेपाळचा संघ आहे, ज्याने मंगोलियाविरुद्ध ३१४ धावा केल्या होत्या. नेपाळनेही ही धावसंख्या अवघ्या ३ विकेट्सच्या मोबदल्यात पार केली. आता हैदराबाद दुसऱ्या स्थानावर पोहोचले आहे. हैदराबादने 3 विकेट गमावून 287 धावा केल्या आहेत.
