IPL 2025 Mega Auction: आयपीएल 2025 मेगा लिलावापूर्वी किती खेळाडूंना ठेवता येईल कायम, मोठे अपडेट आले समोर

IPL 2025 Mega Auction: इंडियन प्रीमियर लीग (IPL) म्हणजेच आयपीएलच्या 18 व्या हंगामापूर्वी मेगा लिलाव आयोजित केला जाणार आहे. मेगा लिलावानंतर सर्व संघ आताच्या तुलनेत खूपच बदललेले दिसतील. आयपीएलच्या मेगा लिलावाची क्रिकेट चाहते आतुरतेने वाट पाहत आहेत. मात्र, मेगा लिलावापूर्वी प्रत्येक आयपीएल फ्रँचायझी किती खेळाडूंना मेगा लिलावापूर्वी कायम ठेवू शकेल, असा प्रश्नही चाहत्यांच्या मनात निर्माण होत आहे. हा प्रश्न तुमच्याही मनात येत असेल तर आज आपण या प्रश्नाचे उत्तर देणार आहोत. (हे देखील वाचा: Yuvraj Singh Return In IPL: आयपीएलमध्ये ‘सिक्सर किंग’चे होणार पुनरागमन! 'या' चॅम्पियन संघाचा होऊ शकतो मुख्य प्रशिक्षक)

किती खेळाडूंना कायम ठेवता येईल?

आयपीएल 2025 च्या मेगा लिलावापूर्वी बीसीसीआयने 31 जुलै रोजी मुंबईत आयपीएलच्या सर्व फ्रँचायझींसोबत एक महत्त्वाची बैठक घेतली होती. या बैठकीनंतर बातमी आली की बहुतेक फ्रँचायझी मालकांना मेगा लिलाव आयोजित करायचा नाही. मात्र, क्रिकबझच्या वृत्तानुसार, बीसीसीआय मेगा लिलाव रद्द करण्याच्या बाजूने नाही.

जास्तीत जास्त 6 खेळाडूंना कायम ठेवण्यास सक्षम

क्रिकबझच्या अहवालानुसार, प्रत्येक संघ जास्तीत जास्त 6 खेळाडूंना कायम ठेवण्यास सक्षम असेल. मात्र, हे खेळाडू थेट राखले जातील किंवा काही खेळाडू आरटीएमद्वारे कायम केले जातील. सध्या याबाबत कोणतीही पुष्टी झालेली नाही.

फ्रँचायझीची अधिक खेळाडू कायम ठेवण्याची मागणी

सर्व आयपीएल फ्रँचायझींना शक्य तितक्या खेळाडूंना कायम ठेवायचे आहे. याआधी आयपीएल 2022 मध्ये एक मेगा लिलाव आयोजित करण्यात आला होता. त्यावेळी जास्तीत जास्त 4 खेळाडू कायम ठेवण्याचा नियम होता. यावेळी ते 6 पर्यंत वाढवले ​​जाऊ शकते. मात्र, याबाबत अद्याप अधिकृत दुजोरा मिळालेला नाही.

(The above story first appeared on LatestLY on Aug 09, 2024 11:38 PM IST. For more news and updates on politics, world, sports, entertainment and lifestyle, log on to our website latestly.com).