IND vs AFG 1st T20I Stats And Record Preview: भारत आणि अफगाणिस्तान यांच्यात होणार हाय व्होल्टेज सामना, आजच्या सामन्यात होऊ शकतात हे मोठे विक्रम; पाहा आकडेवारी
Team India (Photo Credit - Twitter)

टीम इंडिया आणि अफगाणिस्तान (IND vs AFG) यांच्यात आज 11 जानेवारीपासून तीन सामन्यांची टी-20 आंतरराष्ट्रीय मालिका खेळवली जाणार आहे. या मालिकेतील पहिला सामना आज मोहाली येथे संध्याकाळी 7 वाजल्यापासून खेळवला जाणार आहे. या मालिकेत कर्णधार रोहित शर्मा (Rohit Sharma) आणि स्टार फलंदाज विराट कोहली (Virat Kohli) टी-20 संघात परतले आहेत. रोहित शर्माकडे संघाची कमान सोपवण्यात आली आहे. मोहालीमध्ये टीम इंडियाचा आतापर्यंतचा विक्रम उत्कृष्ट राहिला आहे. नियमित कर्णधार रोहित शर्मा आणि स्टार फलंदाज विराट कोहली यांनी अफगाणिस्तान मालिकेतून टी-20 संघात पुनरागमन केले आहे. हे दोन्ही दिग्गज फलंदाज तब्बल 14 महिन्यांनंतर टी-20 आंतरराष्ट्रीय क्रिकेट खेळताना दिसणार आहेत. रोहित शर्मा डावाची सुरुवात करेल. (हे देखील वाचा: IND vs AFG T20 Series 2024: भारताचे 'हे' 9 खेळाडू पहिल्यांदाच अफगाणिस्तानविरुद्ध खेळणार, गिल आणि सॅमसनच्या नावांचा समावेश)

आजच्या सामन्यात हे मोठे विक्रम होऊ शकतात:

टीम इंडियाचा कर्णधार रोहित शर्माला आरोन फिंच (82) आणि इऑन मॉर्गन (86) यांना मागे टाकण्यासाठी आणि टी-20 आंतरराष्ट्रीय क्रिकेटमध्ये सर्वाधिक षटकार मारणारा कर्णधार बनण्यासाठी पाच मोठ्या फटके मारण्याची गरज आहे.

टीम इंडियाचा स्टार अष्टपैलू खेळाडू अक्षर पटेलला टी-20 क्रिकेटमध्ये 200 विकेट पूर्ण करण्यासाठी चार विकेट्सची गरज आहे.

टीम इंडियाचा स्टार अष्टपैलू खेळाडू अक्षर पटेलला टी-20 आंतरराष्ट्रीय क्रिकेटमध्ये 50 विकेट्स पूर्ण करण्यासाठी पाच विकेट्सची गरज आहे.

टीम इंडियाचा अनुभवी अष्टपैलू खेळाडू वॉशिंग्टन सुंदर टी-20 क्रिकेटमध्ये 100 बळींचा टप्पा गाठण्यापासून पाच विकेट्स दूर आहे.

टीम इंडियाचा कर्णधार रोहित शर्माला टी-20 आंतरराष्ट्रीय क्रिकेटमध्ये 4000 धावा पूर्ण करण्यासाठी 147 धावांची गरज आहे.

अफगाणिस्तानचा स्टार फलंदाज नजीबुल्लाह झद्रानला टी-20 आंतरराष्ट्रीय क्रिकेटमध्ये 100 षटकार पूर्ण करण्यासाठी सात षटकारांची गरज आहे.

अफगाणिस्तानचा स्टार अष्टपैलू खेळाडू मोहम्मद नबीला टी-20 क्रिकेटमध्ये 100 षटकारांचा टप्पा गाठण्यासाठी पाच षटकारांची गरज आहे.

अफगाणिस्तानचा स्टार अष्टपैलू खेळाडू मोहम्मद नबीला क्रिकेटच्या सर्व फॉरमॅटमध्ये 200 षटकार पूर्ण करण्यासाठी पाच षटकारांची गरज आहे.

अफगाणिस्तानचा स्टार गोलंदाज करीम जनात टी-20 क्रिकेटमध्ये 100 विकेट्स पूर्ण करण्यापासून तीन विकेट दूर आहे.

टीम इंडियाने आपला शेवटचा टी-20 आंतरराष्ट्रीय सामना मोहालीमध्ये ऑस्ट्रेलियाविरुद्ध खेळला. मात्र या सामन्यात टीम इंडियाला पराभवाचा सामना करावा लागला. टीम इंडियाने आतापर्यंत मोहालीच्या IS बिंद्रा स्टेडियमवर एकूण 4 T20 आंतरराष्ट्रीय सामने खेळले आहेत. या कालावधीत टीम इंडियाने तीन सामने जिंकले आहेत. तर एका सामन्यात पराभवाचा सामना करावा लागला.