Coronavirus: पाकिस्तान बोर्डला कोरोना व्हायरसचा फटका, नवीन स्पॉन्सर मिळत नसल्यामुळे PCB समोर आर्थिक संकट
कोरोना व्हायरस ने पाकिस्तान क्रिकेट बोर्डाला (पीसीबी) जोरदार फटका बसला आहे. इंग्लंडविरुद्ध द्विपक्षीय मालिका सुरू होण्यापूर्वी पाकिस्तान नवीन हंगामासाठी प्रायोजक शोधण्यासाठी धडपडत आहे. पाकिस्तान बोर्डाचा Pepsi कंपनीसोबत करार संपला आहे.
कोरोना व्हायरसमुळे (Coronavirus) जगातील सर्व देशांच्या अर्थव्यवस्थेवर परिणाम झाला आहे. व्हायरसचा प्रादुर्भाव सुरू झाल्यापासून अनेक व्यवसाय जगण्याची धडपड करीत आहेत आणि आता या जागतिक आपत्तीने पाकिस्तान क्रिकेट बोर्डाला (Pakistan Cricket Board) जोरदार फटका बसला आहे. इंग्लंडविरुद्ध (England) द्विपक्षीय मालिका सुरू होण्यापूर्वी पाकिस्तान नवीन हंगामासाठी प्रायोजक शोधण्यासाठी धडपडत आहे. पाकिस्तान बोर्डाचा Pepsi कंपनीसोबत करार संपला आहे. जागतिक स्तरावरील नामांकित पेय-उत्पादकाशी पीसीबीचा (PCB) सौदा नुकताच कालबाह्य झाल्यानंतर, संभाव्य प्रायोजकांकडून नवीन बिडसाठी मंडळाला आमंत्रित केले गेले. आणि पाकिस्तानात क्रिकेटच्या कर्तबगारांना धक्कादायक म्हणजे त्यांना एकाही नवीन बोली मिळाली नाही. बोली सादर करण्याचा एकमेव ब्रँड म्हणजे त्यांच्या विद्यमान प्रायोजक (Pepsi कंपनी), ज्यांनी यंदा बोलीही मागील करारापेक्षा 35-40 टक्के कमी लावली. (Coronavirus: हँडशेक्स किंवा हाय-फाइव्हज नाही, क्रिकेटमध्ये कोविडनंतरच्या सेलिब्रेशनची जेम्स अँडरसनने दाखवली पहिली झलक, पाहा Video)
अनेक कंपन्यांना करोना आणि नंतर लॉकडाऊनचा फटका बसल्यामुळे, स्पॉन्सरशीपसाठीही कंपनी हातचं राखून पैसा देत असल्याचं पीसीबीमधील सूत्रांनी सांगितलं. त्यामुळे नवीन करारासाठी पाक क्रिकेट बोर्ड आणि Pepsi कंपनीत सध्या वाटाघाटी सुरु असल्याचं कळतंय. “Pepsi बरोबर पीसीबीचा करार नुकताच कालबाह्य झाला आणि राष्ट्रीय संघाच्या मुख्य लोगो प्रायोजित करारासाठी मंडळाने नव्याने निविदा मागवल्या पण Pepsi कंपनी वगळता इतर कोणीही बिड सादर केली नाही,” सूत्रांनी सांगितले. बोर्ड अद्याप ब्रँडशी नवीन कराराबद्दल चर्चा करीत आहे, परंतु अगदी नामांकित कंपन्यांवरही कोरोनाचा परिणाम झाला आहे हे त्यांना समजले आहे.
पीटीआयच्या एका अहवालानुसार पीसीबी मार्केटिंग विभागाला घरगुती क्रिकेटसाठी प्रायोजक शोधणे शक्य झाले नाही, त्यामुळे आगामी काळात स्थानिक संघांना स्वतःच्या खर्चावर सामने खेळावे लागू शकतात. दुसरीकडे, विद्यमान टेलिव्हिजन ब्रॉडकास्टर (टेन स्पोर्ट्स) सह पीसीबीचा करारही संपुष्टात आला आहे आणि बोर्डला त्यांच्या अटींनुसार अद्याप नवीन प्रसारक शोधणे शक्य झाले नाही. इंग्लंडविरुद्ध द्विपक्षीय मालिका होण्यापूर्वी साधारण महिनाभराचा कालावधी असल्याने पीसीबीला परिस्थिती सुरळीत होण्याची आशा आहे. असे करण्यास अयशस्वी झाल्यास पाकिस्तान बोर्डाला कठीण आर्थिक संकटाचा सामना करावा लागेल.
(The above story first appeared on LatestLY on Jul 07, 2020 04:14 PM IST. For more news and updates on politics, world, sports, entertainment and lifestyle, log on to our website latestly.com).
