बॅटिस्टा, nWo चे ‘हॉलीवूड’ हल्क होगन, स्कॉट हॉल, केविन नॅश, सीन वॉल्टमॅन यांचा WWE  हॉल ऑफ फेम 2020 मध्ये होणार समावेश
हल्क होगन, स्कॉट हॉल, केविन नॅश, सीन वॉल्टमॅन (Photo Credit: Instaragm)

बॅटिस्टा (Batista) आणि एनडब्ल्यूईओ (NWO) सदस्य “हॉलीवूड” हल्क होगन (Hulk Hogan), स्कॉट हॉल (Scott Hall), केविन नॅश (Kevin Nash) आणि सीन वॉल्टमॅन (Sean Waltman) यांचा 2020 च्या डब्ल्यूडब्ल्यूई हॉल ऑफ फेम क्लास (WWE Hall Of Fame Class) मध्ये समावेश करण्यात आला आहे. 2020 डब्ल्यूडब्ल्यूई हॉल ऑफ फेम इंडक्शनच्या पुढील वर्षी होणाऱ्या सोहळ्यात गुरुवारी 2 एप्रिलमध्ये फ्लोरिडाच्या टँपा बे येथील अमली अरेना येथे ते खेळ-मनोरंजन इतिहासामध्ये आपले स्थान घेतील. रेसलमेनिया 36 आठवड्याचा भाग म्हणून या कार्यक्रमाचे आयोजन केले जाईल. बॅटिस्टा ही सहा वेळेची विश्वविजेतेपदाची आणि पॉप कल्चर व्यक्ती आहे. त्याच्या संपूर्ण कारकीर्दीत, "द अ‍ॅनिमल"ने डब्ल्यूडब्ल्यूईच्या इतिहासातील काही सर्वात मोठ्या नावांसह-जॉन सीना, ट्रिपल एच आणि अंडरटेकर यांच्यासह संस्मरणीय स्पर्धा केली आहे. बॅटिस्टा रेक फ्लेअर, ट्रिपल एच आणि रॅन्डी ऑर्टन यांच्यासमवेत क्रांतिकारक गट इव्होल्यूशनचा संस्थापक सदस्य आहे. यंदाच्या एप्रिलमध्ये रेसलमेनियामध्ये बॅटिस्टाने अंतिम वेळी ट्रिपल एचविरुद्ध लढाई केली होती. रिंगच्या बाहेर, बॅटिस्टाने यशस्वीरित्या हॉलीवूडमध्ये करिअर स्थान केले आहे. बॅटिस्टाने “स्पेक्टर”, “स्टुबर आणि मार्व्हलच्या ब्लॉकबस्टर“ गार्डियन्स ऑफ गैलेक्सी ”आणि “एवेंजर्स”सारख्या चित्रपटांमध्ये काम केले आहेत.

क्रीडा-मनोरंजन इतिहासामधील सर्वात नाविन्यपूर्ण आणि वादग्रस्त गटांपैकी एक, न्यू वर्ल्ड ऑर्डर (एनडब्ल्यूओ) चे नेतृत्व “हॉलीवूड” हल्क हॉगन, स्कॉट हॉल, केविन नॅश आणि सीन वॉल्टमॅन यांनी केले आहे. या गटाने जगभरातील चाहत्यांना मोहित केले आहे. नाविन्यपूर्ण शैली आणि वृत्तीसह, एनडब्ल्यूओने डब्ल्यूसीडब्ल्यूच्या इतिहासातील काही सर्वात मोठ्या नावांविरूद्ध संस्मरणीय स्पर्धांमध्ये भाग घेतला, ज्यात स्टिंग, डायमंड डॅलस पेज आणि लेक्स लुजर यांचा समावेश आहे. एनडब्ल्यूओमधील समावेशामुळे, चारही सदस्य दोन-वेळचे डब्ल्यूडब्ल्यूई हॉल ऑफ फेम इंडिक्टीस होतील.

रेसलमेनिया 36 रविवार, 5 एप्रिल फ्लोरिडाच्या टँपा बे मधील रेमंड जेम्स स्टेडियमपासून होईल आणि याचे लाईव्ह प्रसारण डब्ल्यूडब्ल्यूई नेटवर्कवर होईल.