श्रीलंका क्रिकेट टीम (Photo Credit: Twitter/ICC)

AFG vs SL: अफगाणिस्तान (Afganistan) संघाला कदाचित जास्त द्विपक्षीय मालिका खेळण्याची संधी मिळणार नाही, पण जेव्हा जेव्हा हा संघ मैदानात उतरतो तेव्हा आपन किती जबरदस्त आहोत याचा भास करुन देतो. आशिया चषकापासून (Asia Cup) विश्वचषकापर्यंत या संघाने सर्वत्र चमकदार कामगिरी केली आहे. तीन एकदिवसीय सामन्यांच्या मालिकेतील पहिल्या सामन्यात पाहुण्या श्रीलंकेच्या अफगाण संघाने (SL vs AFG) यजमानांना त्यांच्याच मायदेशात 60 धावांनी पराभूत केले. अफगाणिस्तानच्या या विजयाचा आणि श्रीलंकेच्या पराभवाचा पुढच्या वर्षी भारतात होणाऱ्या एकदिवसीय विश्वचषकाशीही संबंध आहे. आता तुम्ही विचार करत असाल की हे कसे काय...

टॉप 8 मध्ये असतील त्यांना या स्पर्धेत मिळणार थेट प्रवेश

विश्वचषकात थेट पात्र होण्यासाठी, सर्व संघांद्वारे खेळल्या जाणार्‍या सर्व एकदिवसीय मालिका आयसीसी पुरुष क्रिकेट विश्वचषक सुपर लीग अंतर्गत खेळल्या जातात. या लीगमध्ये, भारत थेट यजमान म्हणून पात्र ठरेल, तर इतर संघ जे टॉप 8 मध्ये असतील त्यांना या स्पर्धेत थेट प्रवेश मिळेल आणि इतर सर्व संघांना इतर पाच सहयोगी देशांसोबत पात्रता फेरी खेळावी लागेल. या यादीत सध्या 13 संघांची नावे आहेत, ज्यामध्ये भारत सध्या अव्वल आहे आणि नेदरलँड शेवटच्या म्हणजेच 13व्या स्थानावर आहे. (हे देखील वाचा: Rameez Raja: विश्वचषकासाठी भारतात जाण्यावर रमीझ राजाने दिलं खळबळजनक वक्तव्य, म्हणाले - 'पाकिस्तानशिवाय विश्वचषक कोण पाहणार?')

श्रीलंकेला बसु शकतो मोठा धोका

श्रीलंका दौऱ्यावर गेलेल्या अफगाणिस्तान संघाने पहिला सामना शानदार पद्धतीने जिंकला होता. या सुपर लीगमध्ये अफगाण संघाने 13वा सामना खेळताना 11वा विजय नोंदवला. तो सध्या गुणतालिकेत 7व्या स्थानावर आहे पण जर संघाने उरलेल्या दोन सामन्यांपैकी एकही सामना जिंकला तर त्याला भारत आणि इंग्लंडनंतर तिसऱ्या स्थानावर पोहोचण्याची संधी आहे. कारण 11 विजयानंतर अफगाणिस्तानचे 110 गुण आहेत. तर ऑस्ट्रेलिया, न्यूझीलंड, बांगलादेश आणि पाकिस्तानचे अनुक्रमे 12 विजयानंतर 3 ते 6 क्रमांकाचे गुण आहेत. म्हणजेच अफगाणिस्तानने क्लीन स्वीप केल्यास तो इंग्लंडलाही हरवू शकतो.

 

View this post on Instagram

 

A post shared by ICC (@icc)

अनेक संघ मजबूत स्थितीत

दुसरीकडे, या सगळ्यामुळे 19 सामन्यांत केवळ 6 विजय मिळवून 10व्या स्थानावर असलेल्या श्रीलंकेसाठी धोका वाढला आहे. या मालिकेत संघाला 2 मार्चला न्यूझीलंड दौऱ्यावर आणखी तीन एकदिवसीय सामने खेळायचे आहेत. अशा परिस्थितीत संघाने हे पाचही सामने जिंकले तरी त्यांचे केवळ 112 गुण होतील. त्याचबरोबर ऑस्ट्रेलिया, पाकिस्तान, बांगलादेश, वेस्ट इंडिज आणि अफगाणिस्तान हे इतर संघ त्यांच्यापेक्षा मजबूत स्थितीत आहेत. म्हणजे श्रीलंकेला थेट प्रवेश न मिळण्याचा धोका आहे. उल्लेखनीय आहे की नुकत्याच झालेल्या टी-20 विश्वचषकातही माजी चॅम्पियन संघाला पात्रता फेरी खेळावी लागली होती जिथे नामिबियाकडूनही पराभव पत्करावा लागला होता. अशा स्थितीत या आशियाई संघाला एकदिवसीय विश्वचषकातही सावधगिरी बाळगावी लागणार आहे.