Bangkok Pollution Alert: बँकॉकमध्ये प्रदूषणाच्या पातळीत लक्षणीयरीत्या वाढ; कर्मचाऱ्यांना घरून काम करण्याचे आवाहन

Bangkok Pollution Alert: जगभरात अनेक ठिकाणी प्रदूषण ही एक मोठी समस्या आहे. प्रदूषणामुळे अनेक ठिकाणी लोकांना अनेक समस्यांना सामोरे जावे लागत आहे. या यादीत आता आणखी एका नवीन नावाची भर पडली आहे, ते म्हणजे थायलंडची राजधानी बँकॉक. बँकॉक येथे आजकाल प्रदूषणामुळे वातावरण खूपच खराब झाले आहे. त्यामुळे पुढील काळात जर तुम्ही बँकॉकला भेट देण्याचा विचार करत असाल तर सावध व्हा. गुरुवारी बँकॉक आणि आजूबाजूच्या परिसरात प्रदूषणाची पातळी लक्षणीयरीत्या वाढली आहे आणि त्यामुळे संबंधित अधिकाऱ्यांनीही हे आरोग्यासाठी हानिकारक असल्याचे म्हटले आहे.

प्रदूषणाच्या पार्श्वभूमीवर, बँकॉकचे गव्हर्नर चाडचार्ट सिट्टीपुंट यांनी शहरातील सर्व कर्मचाऱ्यांना गुरुवार आणि शुक्रवारी घरून काम करण्याचा सल्ला दिला. त्यांनी एका निवेदनात म्हटले आहे की, त्यांनी बँकॉक महानगर प्रशासनासह सुमारे 151 कंपन्या, संस्था, सरकारी कार्यालये आणि खाजगी क्षेत्राचे सहकार्य मागितले आहे. बँकॉकच्या 50 जिल्ह्यांपैकी किमान 20 जिल्ह्यांमध्ये हानिकारक पीएम 2.5 कणांची धोकादायक पातळी आहे. बँकॉक जगातील टॉप 10 सर्वाधिक प्रदूषित शहरांच्या यादीत समाविष्ट झाले आहे. (हेही वाचा: Cancer Vaccines: रशिया कॅन्सरच्या उपचारासाठी लस बनवण्याच्या अगदी जवळ; President Vladimir Putin यांची माहिती)

Thai authorities warn that pollution levels in the capital Bangkok had reached unhealthy levels and urged residents to work from home https://t.co/DyenBhL3oK pic.twitter.com/jSrPuI0PoG

— Reuters (@Reuters) February 15, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Feb 15, 2024 10:36 PM IST. For more news and updates on politics, world, sports, entertainment and lifestyle, log on to our website latestly.com).