कर्नाटकातील सिडलघट्टाजवळ चालत्या सरकारी बसमध्ये तब्बल सहा फूट लांब कोब्रा सापडला आहे. याबाबतचा एक व्हिडीओ सोशल मीडियावर व्हायरल होत आहे. व्हिडीओमध्ये दिसत आहे की, एक सर्पमित्र या कोब्राला बसमधून बाहेर काढत आहे. टाईम्स ऑफ इंडियाने दिलेल्या वृत्तानुसार, शनिवारी दुपारी 3 वाजता बस चिक्कबल्लापुरा येथून निघाली, त्यावेळी एका प्रवाशाला बसमध्ये त्याच्या सीटखाली साप दिसला. त्याने तातडीने याची माहिती कंडक्टरला दिली. त्यानंतर चालकाने बस थांबवली आणि प्रवाशांना घाबरून न जाता बस खाली करण्यास सांगितले. ड्रायव्हर आणि कंडक्टर दोघांनीही या घटनेची माहिती अधिकार्‍यांना दिली, त्यानंतर एका स्थानिक सर्पमित्राने या सापाला बसमधून बाहेर काढून जंगलात सोडून दिले.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)