Smoking in Vande Bharat Train: मुंबई-जालना वंदे भारत ट्रेनच्या टॉयलेटमध्ये प्रवाशाने ओढली सिगरेट; मधेच थांबवावी लागली गाडी (Watch Video)
आपली सिगारेटची तृष्णा भागवण्यासाठी हा प्रवासी भरधाव वेगाने धावणाऱ्या वंदे भारत एक्सप्रेसच्या टॉयलेटमध्ये घुसला. तिथे त्याने सिगारेट पेटवली. मात्र सिगारेटचे एक-दोन पफ घेतल्यावर धूर टॉयलेटमध्ये पसरला.
Smoking in Vande Bharat Train: देशातील हायस्पीड वंदे भारत एक्सप्रेस ट्रेनमध्ये धुम्रपान करण्यास मनाई आहे. अशात सिगरेटमुळे धावती वंदे भारत ट्रेन थांबल्याची घटना समोर आली आहे. देशाची आर्थिक राजधानी मुंबई ते जालना दरम्यान धावणाऱ्या वंदे भारत एक्स्प्रेसमध्ये हा प्रकार घडला. या ट्रेनमधून प्रवास करणाऱ्या एका प्रवाशाला ट्रेन पूर्ण वेगाने धावत असताना सिगारेट ओढण्याची इच्छा झाली. ही अत्याधुनिक ट्रेन आहे आणि त्यात धुम्रपान करण्यास सक्त मनाई आहे हे त्याला माहीत होते. असे असूनही, तो आपली सिगरेटची तलफ पूर्ण करण्याच्या मार्गांचा विचार करू लागला.
आपली सिगारेटची तृष्णा भागवण्यासाठी हा प्रवासी भरधाव वेगाने धावणाऱ्या वंदे भारत एक्सप्रेसच्या टॉयलेटमध्ये घुसला. तिथे त्याने सिगारेट पेटवली. मात्र सिगारेटचे एक-दोन पफ घेतल्यावर धूर टॉयलेटमध्ये पसरला. यानंतर ट्रेनमध्ये बसवण्यात आलेल्या सेन्सर्सच्या संपर्कात धूर आला आणि त्यानंतर मोठ्याने सायरन वाजू लागले. यामुळे ट्रेनमधील प्रवासी चिंतेत पडले. काही मोठी दुर्घटना घडली आहे की काय अशी भीती सर्वांना वाटू लागली. मोठा सायरन वाजल्यानंतर ट्रेन मध्येच थांबवण्यात आली. जेव्हा रेल्वे कर्मचाऱ्यांनी सीसीटीव्ही फुटेज तपासले, तेव्हा सीसीटीव्ही फुटेजमध्ये एका व्यक्तीने ट्रेनच्या बाथरूममध्ये सिगारेट पेटवल्याचे समोर आले आहे. (हेही वाचा: WR Power Block Of Mumbai Local: मुंबई लोकलच्या पश्चिम रेल्वेमार्गावर नाईट ब्लॉक; शेवटची ट्रेन वांद्रे स्थानकापर्यंतच!)
छत्रपती संभाजीनगर : सिगरेटची तलफ पडली महागात, दोन झुरके मारले अन् थेट वंदे भारतलाच ब्रेक; Video समोर pic.twitter.com/ynHC2iTmjB
— Maharashtra Times (@mataonline) January 10, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 10, 2024 06:47 PM IST. For more news and updates on politics, world, sports, entertainment and lifestyle, log on to our website latestly.com).
