Pune Shocker: अवजड लोखंडी गेट अंगावर पडल्याने साडेतीन वर्षीय मुलीचा चिरडून मृत्यू; इमारत मालकावर कारवाईची मागणी (Watch Video)
या घटनेनंतर पोलिसांना याची माहिती देण्यात आली. पोलीस तपासात उघड झाले की, इमारत मालक आणि रहिवासी दोघांनाही ते गेट खराब असल्याची माहिती होती, तरी त्यांनी त्याकडे दुर्लक्ष केले.
Pune Shocker: पुण्यातील पिंपरी-चिंचवडमध्ये बुधवारी घराबाहेर खेळत असताना, अवजड लोखंडी गेट अंगावर पडून साडेतीन वर्षीय मुलीचा मृत्यू झाल्याची धक्कादायक घटना घडली आहे. अतिशय दुःखद अशा या घटनेचा एक व्हिडिओ सोशल मिडियावर समोर आला आहे. सीसीटीव्ही फुटेजमध्ये चार मुले त्यांच्या घराबाहेर खेळताना दिसत आहेत. काही क्षणांनंतर, त्यातील एक लहान मुलगा घराचे गेट बंद करायला जातो, त्याचवेळी ते गेट तिथून जाणाऱ्या 3.5 वर्षांच्या मुलीच्या अंगावर पडते. इतके जड, मोठे लोखंडी गेट अंगावर पडल्यानंतर मुलीचा मृत्यू झाला आहे. गिरिजा गणेश शिंदे असे मृत मुलीचे नाव आहे.
बोपखेल, पिंपरी चिंचवड, पुणे जवळील कॉलनी क्रमांक 2, गणेशनगर येथे ही घटना घडली. या घटनेनंतर पोलिसांना याची माहिती देण्यात आली. पोलीस तपासात उघड झाले की, इमारत मालक आणि रहिवासी दोघांनाही ते गेट खराब असल्याची माहिती होती, तरी त्यांनी त्याकडे दुर्लक्ष केले. या घटनेमुळे रहिवाशांमध्ये संतापाची लाट उसळली असून इमारत मालकावर कडक कारवाई करण्याची मागणी होत आहे. (हेही वाचा: Mumbai Road Accidents: मुंबईत यंदा जानेवारी ते जुलै दरम्यान रस्ते अपघातात 164 जणांचा मृत्यू; वाहतूक पोलिसांच्या आकडेवारीत समोर आली माहिती)
या व्हिडिओमधील दृश्ये विचलित करू शकतात-
🚨 Disturbing Video Alert 🚨#Pune: A tragic incident occurred in Colony No. 2, Ganeshnagar, near Bopkhel, Pimpri Chinchwad, Pune, where a minor girl lost her life as a gate fell on her on Wednesday (31st July 2024). The heartbreaking event was captured on CCTV.
Parents keep… pic.twitter.com/bnKrWZpTdY
— Punekar News (@punekarnews) August 1, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 01, 2024 08:34 PM IST. For more news and updates on politics, world, sports, entertainment and lifestyle, log on to our website latestly.com).
