Mumbai Rain: मुंबईमध्ये पावसाचा हाहाकार; शहरात पाणी साचल्याने हिंदमाता जंक्शन, दादर टी.टीसह अनेक मार्ग वाहतुकीसाठी बंद
अत्यंत आवश्यक असेल तरच सर्वसामान्यांनी घराबाहेर पडावे, असे आवाहन प्रशासनाने केले आहे. आता मुंबई ट्राफिक पोलिसांनी दिलेल्या माहितीनुसार, पावसामुळे शहरातील अनेक रस्ते वाहतुकीसाठी बंद करण्यात आले आहेत.
Mumbai Rain: मुंबईमध्ये कालपासून मुसळधार पाऊस सुरु आहे. आजही शहराला पावसाने चांगलेच झोडपले. आता पुढील काही तासासाठी शहराला अतिमुसळधार पावसाचा इशारा देण्यात आला आहे. मुसळधार पावसामुळे रस्ते, रेल्वे आणि हवाई वाहतुकीवर विपरीत परिणाम झाला. पावसामुळे रस्त्यांवर पाणी साचल्याने वाहतूक कोंडी झाली. कामानिमित्त ऑफिसला जाणाऱ्या लोकांना याचा सर्वात मोठा त्रास सहन करावा लागत आहे. म्हणूनच अत्यंत आवश्यक असेल तरच सर्वसामान्यांनी घराबाहेर पडावे, असे आवाहन प्रशासनाने केले आहे. आता मुंबई ट्राफिक पोलिसांनी दिलेल्या माहितीनुसार, पावसामुळे शहरातील अनेक रस्ते वाहतुकीसाठी बंद करण्यात आले आहेत.
अहवालानुसार, पाणी साचल्याने सक्कर पंचायत चौक शिवडी वडाळा वाहतूकीसाठी तात्पुरता बंद ठेवण्यात आला आहे. यासह पाणी साचल्याने दादर टी.टी, हिंदमाता जंक्शन वाहतूकीसाठी तात्पुरता बंद ठेवण्यात आला आहे. गांधी मार्केटमध्ये पाणी साचल्याने उत्तरेकडे जाणाऱ्या किंग सर्कल फ्लायओव्हरवर वाहतूक संथ गतीने आहे. प्रवाशांनी याची नोंद घेण्याचे आवाहन करण्यात आले आहे. (हेही वाचा: Maharashtra Weather Forecast: महाराष्ट्रात पुणे, सातारासह अनेक ठिकाणी अतिमुसळधार पावसाची शक्यता; जाणून घ्या पुढील काही दिवसांसाठी तपशीलवार जिल्हानिहाय हवामान अंदाज)
पाणी साचल्याने सक्कर पंचायत चौक शिवडी वडाळा वाहतूकीसाठी तात्पुरता बंद ठेवण्यात आला आहे. प्रवाशांनी याची नोंद घ्यावी.#MTPTrafficUpdates
— Mumbai Traffic Police (@MTPHereToHelp) July 8, 2024
पाणी साचल्याने दादर टी.टी वाहतूकीसाठी तात्पुरता बंद ठेवण्यात आला आहे. प्रवाशांनी याची नोंद घ्यावी.#MTPTrafficUpdates
— Mumbai Traffic Police (@MTPHereToHelp) July 8, 2024
पाणी साचल्याने हिंदमाता जंक्शन वाहतूकीसाठी तात्पुरता बंद ठेवण्यात आला आहे. प्रवाशांनी याची नोंद घ्यावी.#MTPTrafficUpdates
— Mumbai Traffic Police (@MTPHereToHelp) July 8, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 08, 2024 09:15 PM IST. For more news and updates on politics, world, sports, entertainment and lifestyle, log on to our website latestly.com).
