Mahaparinirvan Din 2023: महापरिनिर्वाण दिनानिमित्त मध्य रेल्वे चालवणार 16 अनारक्षित विशेष गाड्या; जाणून घ्या वेळापत्रक
महापरिनिर्वाण दिनानिमित्त प्रवाशांची अतिरिक्त गर्दी कमी करण्यासाठी मध्य रेल्वेने 14 विशेष गाड्या चालवण्याचा निर्णय घेतला होता. आता त्यामध्ये आणखी दोन गाड्यांची भर घालण्यात आली आहे.
Mahaparinirvan Din 2023 Special Trains: डॉ. बाबासाहेब आंबेडकर यांचा स्मृतिदिन 6 डिसेंबर रोजी आयोजित केला जात असून, हा दिवस महापरिनिर्वाण दिन म्हणून ओल्कःजाला जातो. आंबेडकरांचे 6 डिसेंबर 1956 रोजी दिल्ली येथे निधन झाले होते. त्याच्या दुसऱ्या दिवशी मुंबईच्या दादर येथील चैत्यभूमी येथे त्यांच्यावर अंत्यसंस्कार करण्यात आले. या दिवसाचे औचित्य साधत दरवर्षी बाब्साहेबांचे अनुयायी मोठ्या संख्येने त्यांना आदरांजली वाहण्यासाठी मुंबईमध्ये येतात. महापरिनिर्वाण दिनानिमित्त प्रवाशांची अतिरिक्त गर्दी कमी करण्यासाठी मध्य रेल्वेने 14 विशेष गाड्या चालवण्याचा निर्णय घेतला होता. आता त्यामध्ये आणखी दोन गाड्यांची भर घालण्यात आली आहे. म्हणजेच महापरिनिर्वाण दिणानिमित्त मध्य रेल्वे 16 अनारक्षित विशेष फेऱ्या चालवणार आहे. या गाड्या 5 व 7 डिसेंबर रोजी चालवल्या जातील. रेल्वेने या गाड्यांचे वेळापत्रक जाहीर केले आहे.
भारतीय घटनेचे शिल्पकार भारतरत्न डॉ बाबासाहेब आंबेडकर यांचा 6 डिसेंबर रोजी 67 वा महापरिनिर्वाण दिन आहे. यानिमित्ताने दादर चैत्यभूमी, आणि मुंबईतील बाबासाहेब आंबेडकर यांच्याशी निगडीत विविध स्थळांच्या ठिकाणी दर्शन व्यवस्था तसेच छत्रपती शिवाजी महाराज मैदान येथील मध्यवर्ती व्यवस्था याठिकाणी जय्यत सुरू आहे. या तयारीबाबत मुख्यमंत्र्यांच्या अध्यक्षतेखाली नुकताच आढावा घेण्यात आला. (हेही वाचा: महापरिनिर्वाण दिन निमित्त डॉ. बाबासाहेब आंबेडकर यांचे 'हे' अनमोल विचार शेअर करून करा महामानवाला त्रिवार अभिवादन!)
महापरिनिर्वाण दिन विशेष गाड्या-
प्रवाशांची अतिरिक्त गर्दी लक्षात घेता महापरिनिर्वाण दिन निमित्त मध्य रेल्वे आणखी २ अनारक्षित विशेष फेऱ्या चालवणार आहे. या आधी १४ फेऱ्या जाहीर केल्या आहेत.
🟠०१२१८ अमरावती- मुंबई अनारक्षित विशेष-
दि. ०५/१२/२३ रोजी अमरावती येथून १७.४५ वाजता सुटेल आणि छत्रपती शिवाजी महाराज टर्मिनस… pic.twitter.com/hGrQ95bScO
— Central Railway (@Central_Railway) December 1, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Dec 01, 2023 11:53 PM IST. For more news and updates on politics, world, sports, entertainment and lifestyle, log on to our website latestly.com).
