10-Year-Old Boy Raped by 3 Minors: मुंबईच्या घाटकोपरमध्ये 10 वर्षीय मुलावर बलात्कार; 3 अल्पवयीन मुलांना अटक, गुन्हा दाखल
या प्रकरणी पोलीस ठाण्यात गुन्हा दाखल करण्यात आला असून, पीडित मुलाचा जबाब नोंदवण्यात आला आहे. त्यानंतर पोलिसांनी घाटकोपर येथील 12, 15 आणि 16 वर्षे वयोगटातील तीन मुलांना ताब्यात घेतले.
10-Year-Old Boy Raped by 3 Minors: मुंबईमधून एका अल्पवयीन मुलावर बलात्कार झाल्याची धक्कादायक घटना समोर आली आहे. मुंबईच्या घाटकोपर येथे शेजारी राहणाऱ्या 10 वर्षांच्या मुलावर तीन मुलांनी बलात्कार केला आहे. जेव्हा पिडीत मुलाला बसण्यास त्रास होऊ लागला तेव्हा ही घटना उघडकीस आली. मुलाला खुर्चीत बसायला त्रास होत असल्याचे शेजारील एका महिलेच्या लक्षात आले व तिने याची माहिती पिडीत मुलाच्या पालकांना दिली. जेव्हा पालकांनी मुलाकडे विचारणा केली, तेव्हा त्याने सर्व प्रकार कथन केला. त्यानंतर घाबरलेल्या आणि संतप्त झालेल्या पालकांनी पंत नगर पोलीस ठाण्यात धाव घेऊन घडल्या प्रकाराबाबत तक्रार दाखल केली. मुलाच्या म्हणण्यानुसार, त्याच्या शाळेतील तीन मुले, जी त्याच्या शेजारी राहतात, त्यांनी या पिडीत मुलाला घरी आणले, जिथे त्यांनी त्याच्यावर बलात्कार केला. हा प्रकार जवळजवळ एक महिन्यापासून सुरु होता.
या प्रकरणी पोलीस ठाण्यात गुन्हा दाखल करण्यात आला असून, पीडित मुलाचा जबाब नोंदवण्यात आला आहे. त्यानंतर पोलिसांनी घाटकोपर येथील 12, 15 आणि 16 वर्षे वयोगटातील तीन मुलांना ताब्यात घेतले. एफआयआरमध्ये, या तिघांवर 377 (अनैसर्गिक लैंगिक संबंध), 506 (गुन्हेगारी धमकावणे) आणि भारतीय दंड संहिता आणि लैंगिक गुन्ह्यांपासून बालकांचे संरक्षण (POCSO) कायद्याच्या संबंधित कलमांसह आरोप लावण्यात आले आहेत. डोंगरी कोर्टात त्यांना प्रत्येकी 4,000 रुपयांचा रोख जामीन देण्यात आला आणि कोणताही गुन्हेगारी इतिहास नसल्यामुळे समुपदेशनाचे आश्वासन देऊन त्यांना घरी पाठवले. (हेही वाचा: Pimpri Chinchwad Crime: पिंपरी चिंचवडमध्ये बॉयफ्रेंडच्या मदतीनं पत्नीनं केली पतीची हत्या, आरोपीला अटक)
Mumbai: 3 Minors Held For Rape Of 10-Year-Old Boy In Ghatkoparhttps://t.co/IG0LW6KhmU
✍️ @aishooaraam #Mumbai #MumbaiNews #Crime pic.twitter.com/EDFUekJ14N
— Free Press Journal (@fpjindia) March 15, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Mar 15, 2024 06:34 PM IST. For more news and updates on politics, world, sports, entertainment and lifestyle, log on to our website latestly.com).
