Zomato Says 'Sorry': टी-20 विश्वचषक 2024 जिंकल्यानंतर आज मुंबईमध्ये भारतीय संघाची जंगी विजय यात्रा काढली जात आहे. यावेळी मरीन ड्राइव्ह परिसरात चाहत्यांची प्रचंड गर्दी पाहायला मिळत आहे. वानखेडे स्टेडियमच्या आजूबाजूला उसळलेला जनसमुदाय पाहता मुंबई पोलिसांनीदेखील या परिसरात जाने टाळण्याचे आवाहन केले आहे. आता या पार्श्वभूमीवर फूड डिलिव्हरी कंपनी झोमॅटोने आपल्या ग्राहकांची माफी मागितली आहे. आज मुंबईच्या रस्त्यांवर टीम इंडियाच्या चाहत्यांचा महापूर असल्याने, ऑर्डर्स पोहोचवण्यास उशीर होत आहे व त्यामुळे कंपनीने मुंबईकरांची माफी मागितली आहे.

भारतीय संघाच्या खेळाडूंची ओपन बसमध्ये विजयी परेड काढली जात आहे. अशात सध्या मरीन ड्राइव्ह परिसरात पूर्णपणे खचाखच भरलेला आहे. त्यामुळे रस्ते जाम झाले आहेत. त्यामुळेच झोमॅटोने गमतीशीरपणे म्हटले की, ‘सॉरी मुंबई, आज थोडा उशीर होईल’. (हेही वाचा: Team India Dancing at the Wankhede: वानखेडे स्टेडियमवर टीम इंडियाने ट्रॉफीसोबत केला डान्स, पाहा व्हिडिओ)

पहा पोस्ट- 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)