Woman Bites Husband: बायकोने रागाच्या भरात तोडला नवऱ्याच्या कानाचा लचका, दिल्ली पोलिसांकडून कारवाई

दिल्लीतील एका महिलेने पतीच्या कानाचा जोरदार चावा घेतला आहे. ज्यामध्ये पतीचा कान तुटला. ही घटना दिल्लीतील सुलतानपुरी भागात घडली. पोलिसांनी पतीच्या तक्रारीच्या आधारे कारवाई करत भारतीय दंड संहितेच्या विविध कलमांचा आधार घेत पत्नीविरुद्ध गुन्हा दाखल केला आहे. चावा गंभीर असल्याने पतीला रुग्णालयात दाखल करण्यात आले आहे. अशाच प्रकारची एक धक्कादायक घटना काही दिवसांपूर्वीच पुणे येथेही घडली होती.

प्राप्त माहितीनुसार, 20 नोव्हेंबर रोजी सकाळी 9.20 च्या सुमारास पती बाहेर कचरा टाकण्यासाठी गेला असता पती-पत्नीमध्ये वाद झाला. पोलिस तक्रारीनुसार, पत्नीने घर विकण्याचा आणि मुलांसह स्वतंत्र राहण्याची व्यवस्था करण्यासाठी तिला मालमत्तेचा हिस्सा देण्याचा आग्रह धरल्याने वाद वाढला. ज्यात महिलेने हिंसक रुप धारण केले.

हिंदीमध्ये दाखल करण्यात आलेल्या एफआयआरमध्ये पतीने म्हटले आहे की, "मी तिच्याशी समझोता करण्याचा प्रयत्न केला, परंतु मतभेदाचे पर्यवसान मोठ्या शाब्दिक चकमकीत झाले. यादरम्यान तिने माझ्यावर शारीरिक अत्याचार करण्याचा प्रयत्न केला. मी घरातून बाहेर पडत असताना तिने मला मागून पकडले. रागाच्या भरात तिने माझ्या उजव्या कानाला इतका जबरदस्तीने चावा घेतला की त्याचा एक भाग वेगळा झाला, परिणामी खूप रक्तस्त्राव झाला."

एक्स पोस्ट

Days following a tragic episode in Pune, #Maharashtra, where a woman fatally punched her husband, a comparable incident unfolded in national Capital, where a woman reportedly bit off her husband's ear during a heated argument that escalated into violence.

The peculiar event took… pic.twitter.com/pWINqRFEOq

— IANS (@ians_india) November 28, 2023

या धक्कादायक घटनेनंतर जखमी व्यक्तीला तत्काळ वैद्यकीय उपचारासाठी मंगोलपुरी येथील संजय गांधी रुग्णालयात नेण्यात आले. त्यानंतर, त्याला रोहिणीतील जयपूर गोल्डन हॉस्पिटलमध्ये पाठवण्यात आले, जिथे त्याच्या उजव्या कानाच्या वरच्या भागाच्या विलगीकरणासाठी त्याच्यावर शस्त्रक्रिया करण्यात आली. दाखल केलेल्या एफआयआरच्या आधारे दिल्ली पोलीस या प्रकरणाचा तपास करत आहेत.

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Nov 28, 2023 05:06 PM IST. For more news and updates on politics, world, sports, entertainment and lifestyle, log on to our website latestly.com).