Rajasthan Royal Wedding: राजस्थानमध्ये पार पडले शाही थाटात लग्न; पित्याने मुलीला भेट म्हणून दिले 2 किलो सोने, 100 किलो चांदी, कार, फॅक्टरी, प्लॉटसह कोट्यावधी रुपयांची एफडी (Watch)
या पित्याने आपल्या मुलीला स्त्रीधन म्हणून जवळजवळ 2 किलो सोन्याचे दागिने आणि 100 किलो चांदीचे दागिने दिले आहेत.
राजस्थानच्या पाली जिल्ह्यात एका वडिलांनी आपल्या मुलीचे शाही पद्धतीने लग्न लावून दिले आहे, ज्याची सर्वत्र चर्चा सुरु आहे. जैतरण भागातील मोहराई गावात 22 फेब्रुवारी रोजी हा लग्न सोहळा पार पडला, ज्यामध्ये वरातीच्या स्वागतासाठी शाही व्यवस्था करण्यात आली होती. या पित्याने आपल्या मुलीला स्त्रीधन म्हणून जवळजवळ 2 किलो सोन्याचे दागिने आणि 100 किलो चांदीचे दागिने दिले आहेत. यासह सर्व प्रकारचे चांदीची भांडी, फर्निचर, एसयूव्ही कार, बाईक, बंगला, बेंगळुरूमध्ये 12000 स्क्वेअर फूट फॅक्टरी, 30X40 प्लॉट, पाली हाऊसिंग बोर्डमध्ये जमीन देऊन पाठवणी केली आहे. मुलीच्या पाठवणीवेळी कोट्यावधी रुपयांच्या पैशांचा पाऊस पाडला गेला.
बेंगळुरूमध्ये प्रॉपर्टीचा व्यवसाय असणारे महेंद्रसिंग सेवाड यांची मुलगी वंशिका हिचे हे लग्न होते. वंशिकाच्या लग्नाची व्यवस्था त्यांच्या वडिलोपार्जित निवासस्थान मोहराईपासून 5 किलोमीटर अंतरावर एका ठिकाणी केली होती. याच ठिकाणी वरातीच्या राहण्या-खाण्याची व्यवस्था होती. उद्योगपती महेंद्र सिंह यांच्या बंगळुरू येथे अनेक मालमत्ता असून ते पाईपचा व्यवसायही करतात. वंशिकाचा पती कुलदीप सिंग जगरवाल हा देखील एक व्यापारी आहे. त्याचे कुटुंब पहचाना गावाचे रहिवासी आहे.
पाली के बिजनेसमैन ने की शाही शादी pic.twitter.com/XOtNdog9aV
— Ola Movie (@ola_movie) February 27, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Feb 27, 2023 10:18 PM IST. For more news and updates on politics, world, sports, entertainment and lifestyle, log on to our website latestly.com).
