Kidney Scam in Andhra Pradesh: कर्ज फेडण्यासाठी विकली किडनी; 30 लाखाऐवजी मिळाले अवघे 50 हजार, गुंटूर येथील ऑटो-रिक्षा चालकाची फसवणूक (Video)
मधुने विविध मोबाइल ॲप्लिकेशन्स आणि स्थानिक फायनान्सर्सकडून मोठ्या प्रमाणावर कर्ज घेतले होते. त्याचा व्यवसाय फसल्याने तो या कर्जाची परतफेड करू शकला नाही. हेच कर्ज फेडण्यासाठी त्याने आपली किडनी विकण्याचा निर्णय घेतला.
Kidney Scam in Andhra Pradesh: विशाखापट्टणममध्ये अवैध मूत्रपिंड प्रत्यारोपणाच्या रॅकेटचा पर्दाफाश झाल्यानंतर काही दिवसांनी, आता गुंटूरमध्येही असाच प्रकार उघडकीस आला आहे. कर्ज देणाऱ्या ॲप्सच्या जाळ्यात अडकलेल्या 31 वर्षीय ऑटो-रिक्षा चालकाची दोनपैकी एक किडनी विकून फसवणूक करण्यात आली. या कथित किडनी विक्री रॅकेट पीडित जी मधु बाबू याने गुंटूर एसपींना दिलेल्या माहितीनुसार, त्याने फेसबुकवरील जाहिरात पाहून एका एजंटमार्फत आपली किडनी दान केली होती. तथाकथित एजंटने जी मधु बाबू याला त्याच्या किडनीसाठी 30 लाख रुपये देण्याचे आश्वासन दिले. त्यानंतर काही बनावट कागदपत्रे तयार केली गेली व पुढे विजयवाडा येथील विजया सुपर स्पेशालिटी हॉस्पिटलमध्ये त्याची शस्त्रक्रिया झाली. मात्र, ऑपरेशनच्या सात महिन्यांनंतर, मधुला फक्त 50,000 रुपये देण्यात आले.
अहवालानुसार, मधुने विविध मोबाइल ॲप्लिकेशन्स आणि स्थानिक फायनान्सर्सकडून मोठ्या प्रमाणावर कर्ज घेतले होते. त्याचा व्यवसाय फसल्याने तो या कर्जाची परतफेड करू शकला नाही. हेच कर्ज फेडण्यासाठी त्याने आपली किडनी विकण्याचा निर्णय घेतला. मात्र यामध्ये त्याची मोठ्या प्रमाणावर फसवणूक करण्यात आली. (हेही वाचा: Supreme Court On AIBE Cut-Off: 'वकील व्हायचे असेल तर अभ्यास करा...'; सुनावणीदरम्यान CJI चंद्रचूड संतापले)
पहा व्हिडिओ-
Trapped by loan apps, 31-yr-old autodriver from Guntur donated kidney thru agent who told him about ad on Faceook & promised Rs 30 lakh for a kidney; fake documents were created, surgery happened at Vijaya Super Speciality Hosp in Vijayawada but 7 months later he got only Rs 50k pic.twitter.com/Kx0jVir9RJ
— Uma Sudhir (@umasudhir) July 8, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 09, 2024 05:35 PM IST. For more news and updates on politics, world, sports, entertainment and lifestyle, log on to our website latestly.com).
