Sagar Karande Cyber Fraud: विनोदी अभिनेता सागर कारंडेची 61 लाखांची सायबर फसवणूक झाल्याचा दावा; सोशल मिडियावर बातमी व्हायरल, जाणून घ्या सत्य
अहवालामध्ये सांगण्यात आले आहे की, इन्स्टाग्रामवरील पोस्टला लाइक करून दीडशे रुपये मिळवा, या प्रलोभनाला सागर बळी पडला. त्याला फेब्रुवारी महिन्यात एका अनोळखी व्हॉट्सअप क्रमांकावरुन जाहिरातीची माहिती प्राप्त झाली. यामध्ये इन्स्टाग्राम लिंकला लाइक करण्याचे काम असून, प्रत्येक लाइकला दीडशे रुपये दिले जातील, असे नमूद केले होते.
सध्या सोशल मिडियावर एक बातमी व्हायरल होत आहे, ज्यामध्ये दावा केला जात आहे की, 'चला हवा येऊ द्या' फेम विनोदी अभिनेता सागर करंडे याची 61 लाखांची सायबर फसवणूक झाली आहे. अनेक मराठी माध्यमांनी याबाबत वृत्त दिले आहे. अहवालामध्ये सांगण्यात आले आहे की, इन्स्टाग्रामवरील पोस्टला लाइक करून दीडशे रुपये मिळवा, या प्रलोभनाला सागर बळी पडला. त्याला फेब्रुवारी महिन्यात एका अनोळखी व्हॉट्सअप क्रमांकावरुन जाहिरातीची माहिती प्राप्त झाली. यामध्ये इन्स्टाग्राम लिंकला लाइक करण्याचे काम असून, प्रत्येक लाइकला दीडशे रुपये दिले जातील, असे नमूद केले होते. या ऑफरला सागरने होकार दिला आणि त्या अंतर्गत सुरुवातीला त्याने काही रक्कम भरली. पुढे विविध कारणांनी पैसे गुंतवायला लावून सायबर भामट्यांनी त्याची लाखो रुपयांची फसवणूक केली. मात्र कालांतराने आपली फसवणूक झाल्याचे त्याचा लक्षात आले व त्यानंतर त्याने पोलिसांत धाव घेतली.
या वृत्ताची लेटेस्टली मराठी पुष्टी करत नाही, कारण त्याबाबत काही ठोस माहिती समोर आलेली नाही. यासह झी 24 तासने एक वृत्त दिले असून, त्यामध्ये अभिनेता असलेल्या सागर कारंडेची फसवणूक झाली नसल्याचे नमूद केले आहे. झी 24 तासने म्हटले आहे की, ही बातमी समोर आल्यानंतर सागर कारंडेने त्यांना दिलेल्या माहितीमध्ये, ‘ज्या सागर कारंडेबरोबर हा सारा प्रकार घडला तो सागर कारंडे मी नाहीच,’ असे सांगितले आहे. यासह खोट्या बातम्या देणाऱ्यांना आपण नोटीस पाठवणार असल्याचेही अभिनेता सागर कारंडेने त्यांना स्पष्ट केले आहे.
Sagar Karande News : घरबसल्या पैसे कमावणे अभिनेता सागर कारंडेला अंगलट; 61 लाखांचा गंडा, प्रकरण काय?#sagarkarande #hasyajatra pic.twitter.com/HXSZgQyDYY
— ABP माझा (@abpmajhatv) April 4, 2025
150 रुपयांच्या नादात गमावले 61 लाख रुपये! अभिनेता सागर कारंडेची फसवणूक; स्वत: सांगितला घटनाक्रमhttps://t.co/XEAZCD7bW7 < येथे वाचा सविस्तर वृत्त...#cybercrime #marathi #actor #sagarkarande #fraudsters #instagram #money #scam
— ZEE २४ तास (@zee24taasnews) April 4, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Apr 04, 2025 11:19 AM IST. For more news and updates on politics, world, sports, entertainment and lifestyle, log on to our website latestly.com).
