Baby Found Alive Before Cremation: आसाममध्ये डॉक्टरांनी मृत घोषित केलेले नवजात अर्भक अंत्यसंस्कारापूर्वी आढळले जिवंत
मात्र जेव्हा कुटुंबीय सिलचर स्मशानभूमीत पोहोचले तेव्हा त्यांना मुल जिवंत असल्याचे आढळले. त्यानंतर त्याला ताबडतोब रुग्णालयात नेण्यात आले व उपचार सुरु केले.
आसाममधील सिलचर शहरातून एक धक्कादायक घटना समोर आली आहे, जिथे एका खासगी रुग्णालयात डॉक्टरांनी मृत घोषित केलेले नवजात अर्भक अंतिम संस्कारापूर्वी जिवंत आढळले आहे. ही घटना बुधवारी पहाटे घडली. वृत्तानुसार, मुलाचे वडील, 29 वर्षीय रतन दास यांनी सांगितले की, मंगळवारी रात्री ते आपल्या सहा महिन्यांच्या गर्भवती पत्नीला सिलचरमधील एका खाजगी रुग्णालयात घेऊन गेले. या ठिकाणी डॉक्टरांनी त्यांना सांगितले की गर्भधारणेत समस्या असल्याने ते आई किंवा मुलापैकी एकालाच वाचवू शकतील. त्यावेळी दास यांनी मुलाला वाचवण्यास सांगितले. मात्र त्यानंतर डॉक्टरांनी सांगितले की, त्यांच्या पत्नीने मृत मुलाला जन्म दिला आहे. बुधवारी सकाळी त्यांना मृतदेह आणि मृत्यू प्रमाणपत्र मिळाले.
मात्र जेव्हा कुटुंबीय सिलचर स्मशानभूमीत पोहोचले तेव्हा त्यांना मुल जिवंत असल्याचे आढळले. त्यानंतर त्याला ताबडतोब रुग्णालयात नेण्यात आले व उपचार सुरु केले. या घटनेनंतर सिलचरमधील मालिनीबिल परिसरातील रहिवाशांनी निष्काळजीपणाबाबत निदर्शने केली. कुटुंबीयांनी रुग्णालय आणि डॉक्टरांविरोधात एफआयआर दाखल केल्याचे सांगण्यात येत आहे. (हेही वाचा: Haryana Shocker: फरिदाबादमध्ये दुसऱ्या मजल्यावरून खाली पडला 4 वर्षांचा मुलगा, उपचारादरम्यान मृत्यू; समोर आला धक्कादायक व्हिडिओ)
Pronounced dead by doctors, newborn #Assam baby found to be alive before cremation
Read: https://t.co/lB8nhEOVoO pic.twitter.com/CRQxyE7ljO
— IANS (@ians_india) October 4, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Oct 04, 2023 10:44 PM IST. For more news and updates on politics, world, sports, entertainment and lifestyle, log on to our website latestly.com).
