Shocking! चीनमधील काचेच्या ब्रिजवर चालत होता पर्यटक; अचानक वारा सुरू आल्यानंतर काय झालं, पहा व्हायरल फोटो
या घटनेनंतर चीनमधील पर्यटकांचे लोकप्रिय आकर्षण असलेल्या काचेच्या पुलाच्या सुरक्षेबाबत आता चिंता वर्तवण्यात येत आहे. आता पियान माउंटन टुरिझम एरिया बंद झाला आहे आणि उद्यानात सुरक्षिततेचे इतर धोके आहेत की नाही याची तपासणी अधिकारी करीत आहेत.
एका चिनी पर्यटकाला भयानक घटनेचा सामना करावा लागला आहे. जिथे त्याने त्याचा मृत्यू अगदी जवळून पाहिला. हा पर्यटक चीनच्या काचेच्या पुलावर चालत होता. यावेळी जोरदार वारा वाहू लागला आणि या वाऱ्याने त्यांच्या सभोवतालच्या पारदर्शक काचेच्या पुलाचे तुकडे तुकडे केले. या घटनेची छायाचित्रे इंटरनेटवर व्हायरल होत आहेत. या चित्रांमध्ये एक व्यक्ती ब्रिज रेलिंगवर अडकलेली दिसत आहे. जो काचेच्या तुटलेल्या प्लॅटफॉर्म पॅनेलभोवती उभा आहे.
हा पूल चीनच्या पियान पर्वताजवळ आहे. पियान माउंटन अट्रॅक्शनच्या चॅट पृष्ठानुसार, हा पूल जिलीन शहरात आहे. वर्ष 2018 मध्ये 330 मीटर लांबीचा आणि 2.5 मीटर रुंद पूल बांधला गेला. या पुलावर फिरण्यासाठी लोकांना 16 डॉलर्स द्यावे लागतात. वास्तविक, 90 मैल वेगाच्या विक्रमी वारामुळे या पुलाच्या काचा फुटल्या आणि ही व्यक्ती अचानक पुलावर अडकली. वृत्तसंस्था सिन्हुआच्या वृत्तानुसार, अग्निशमन दलाचे कर्मचारी, पोलिस तसेच वनीकरण आणि पर्यटन कर्मचाऱ्यांच्या मदतीने या व्यक्तीला वाचविण्यात यश आले. त्याला तपासणीसाठी रुग्णालयात पाठविण्यात आले असून त्यांची प्रकृती स्थिर असल्याचे सांगण्यात येत आहे. (वाचा - Human Baby Size Frog Viral Video: Solomon Islands मध्ये गावकर्यांना आढळला मनुष्याच्या बाळाच्या आकाराइतका मोठा बेडूक (Watch Video))
वीबोवर शेअर करण्यात आलेल्या निवेदनात म्हटले आहे, “आमचे कर्मचारी आपत्कालीन उपकरणे घेऊन घटनास्थळी दाखल झाले आणि अडकलेल्या व्यक्तीला सुरक्षिततेसह यशस्वीरित्या स्थानांतरित केले. या घटनेमुळे कोणतीही जीवितहानी झाली नाही. अडकलेल्या व्यक्तीला निरीक्षणासाठी रुग्णालयात नेण्यात आले. त्या व्यक्तीच्या स्थिर मानसिक आणि शारीरिक स्थितीमुळे त्याला डिस्चार्ज देण्यात आला आला."
Someone was trapped high up on a suspended glass walkway at a scenic spot in north east China yesterday when high winds caused glass panels to fall out around them. They were eventually able to climb to safety. pic.twitter.com/0vkFHasyWh
— Matt Knight (@MattCKnight) May 8, 2021
या घटनेनंतर चीनमधील पर्यटकांचे लोकप्रिय आकर्षण असलेल्या काचेच्या पुलाच्या सुरक्षेबाबत आता चिंता वर्तवण्यात येत आहे. आता पियान माउंटन टुरिझम एरिया बंद झाला आहे आणि उद्यानात सुरक्षिततेचे इतर धोके आहेत की नाही याची तपासणी अधिकारी करीत आहेत. राज्य बातमी एजन्सी सिन्हुआच्या म्हणण्यानुसार, 2016 पासून चीनमध्ये 60 ग्लास-डेक पुल बांधले गेले आहेत. गेल्या काही वर्षात येथे बरेच काचेचे डेक पुल बांधले गेले आहेत आणि पर्यटकांसाठी ते खूप लोकप्रिय आहेत.
(The above story first appeared on LatestLY on May 11, 2021 03:59 PM IST. For more news and updates on politics, world, sports, entertainment and lifestyle, log on to our website latestly.com).
