Navi Mumbai Kidnapping Case: तळोजा येथे अडीच वर्षांच्या मुलीचे दिवसाढवळ्या अपहरण; आरोपी अज्ञात, पोलीस तपास सुरु

Navi Mumbai Kidnapping Case: नवी मुंबईतून (New Mumbai) अत्यंत धक्कादायक घटना समोर आली आहे. मंगळवारी तळोजा (Taloja) गावातील देवीचा पाडा परिसरातून एका अडीच वर्षांच्या मुलीचे एका अज्ञात व्यक्तीने दिवसाढवळ्या अपहरण (Kidnapping) केले. तळोजा पोलिसांनी बेपत्ता मुलीचा शोध घेण्यासाठी शोध मोहीम सुरू केली आहे. हर्षिका शर्मा असे बेपत्ता मुलीचे वय असून ती सुमारे अडीच वर्षांची आहे. हर्षिका देवीचा पाडा येथील माऊली कृपा इमारतीच्या दुसऱ्या मजल्यावर तिच्या आईवडिलांसह आणि मोठ्या भावासोबत राहत होती.

प्राप्त माहितीनुसार, हर्षिका मंगळवारी दुपारी 12:30 च्या सुमारास त्यांच्या घरासमोरील सामान्य रस्त्यावर खेळत होती, तेव्हा तिची आई तिथे होती. जेव्हा आई थोड्या वेळासाठी आत गेली आणि परत आली तेव्हा मुलगी गायब होती. (हेही वाचा -Girl Kidnapped With Lure of Chocolate: पालघरमधील वाडा तालुक्यात चॉकलेटचे आमिष दाखवून 8 वर्षांच्या मुलीचे अपहरण; पोलिसांनी 48 तासांत केली सुटका)

तळोजा पोलिस ठाण्यातील पोलिस उपनिरीक्षक मीना वऱ्हाडे यांनी सांगितले की, 'मुलीचा भाऊ शाळेत गेला होता. तिचे वडील अंबरनाथमधील एका फॅब्रिकेशन कंपनीत काम करत होते. आम्ही इमारतीत उपस्थित असलेल्या लोकांची चौकशी केली. परंतु कोणीही असामान्य काहीही पाहिले किंवा ऐकले नसल्याचं सांगितलं.' (हेही वाचा - Chhatrapati Sambhaji Nagar Kidnapping: पैशांच्या वादातून एकाचे अपहरण, तातडीने सुटका; छत्रपती संभाजीनगर येथी घटना CCTV कॅमेऱ्यात कैद)

दरम्यान, मुलगी हरवल्याचे लक्षात आल्यानंतर, कुटुंबाने जवळच्या परिसरात शोध घेतला. त्यांचे प्रयत्न अयशस्वी झाल्यानंतर, त्यांनी मंगळवारी रात्री तळोजा पोलिस ठाण्यात संपर्क साधला आणि अपहरणाचा गुन्हा दाखल केला. आतापर्यंत पोलिसांना घटनेचे कोणतेही सीसीटीव्ही फुटेज सापडलेले नाही. हरवलेल्या मुलीबद्दल कोणतीही माहिती असल्यास तळोजा पोलिसांकडे तक्रार करण्याचे आवाहन अधिकाऱ्यांनी परिसरातील जनतेला केले आहे.

(The above story first appeared on LatestLY on Mar 27, 2025 09:51 AM IST. For more news and updates on politics, world, sports, entertainment and lifestyle, log on to our website latestly.com).