राज्यातील 28 हजार वृद्ध साहित्यिक, कलावंतांचे 2 महिन्यांचे मानधन एकत्रितपणे अदा करणार; सांस्कृतिक कार्य मंत्री अमित देशमुख यांची माहिती

महाराष्ट्रातील (Maharashtra) सुमारे 28 हजार वृद्ध कलावंत आणि साहित्यिकांना सांस्कृतिक कार्य विभागातर्फे दरमहा देण्यात येणाऱ्या मानधनापैकी मार्च व एप्रिल महिन्यांचे मानधन एकत्रितपणे अदा करण्यात येणार आहे. येत्या आठवड्याभरात ते संबंधितांच्या बँक खात्यात जमा होईल, अशी माहिती राज्याचे सांस्कृतिक कार्य मंत्री अमित विलासराव देशमुख (Amit Deshmukh) यांनी दिली आहे.

यासंदर्भात बोलताना अमित देशमुख म्हणाले की, राज्यातील वृद्ध कलावंत व साहित्यिकांना 1955-56 पासून अ, ब व क या वर्गीकरणानुसार मासिक मानधन दिले जाते. कोरोना संकटाच्या पार्श्वभूमीवर, उर्वरित मानधनसुद्धा लवकरात लवकर एकत्रितपणे अदा करण्याची विनंती वित्त विभागाला करण्यात आली असल्याचे अमित देशमुख यांनी सांगितले. (हेही वाचा - मुंबई: मुख्यमंत्री उद्धव ठाकरे, आदित्य ठाकरे, नितीन राऊत यांच्याबद्दल सोशल मीडियावर आक्षेपार्ह मजकूर, समीत ठक्कर नामक व्यक्तीवर व्ही. पी. रोड पोलीस ठाण्यात गुन्हा दाखल)

राज्यातील २८ हजार वृद्ध कलावंत,साहित्यिकांना दरमहा अदा करण्यात येणाऱ्या मानधनापैकी मार्च, एप्रिल महिन्यांचे मानधन एकत्रितपणे येत्या आठवड्याभरात संबंधितांच्या बँक खात्यात जमा होईल. उर्वरित मानधनासाठीही लवकर निधी देण्याची वित्त विभागाला विनंती-सांस्कृतिक कार्यमंत्री @AmitV_Deshmukh pic.twitter.com/GvzgggyDxw

— MAHARASHTRA DGIPR (@MahaDGIPR) July 16, 2020

दरम्यान, राज्याचा सांस्कृतिक कार्य विभाग कलाकारांच्या अडचणी जाणून त्यांच्या पाठिशी यापुढेही समर्थपणे उभा राहील, असं आश्वासनदेखील यावेळी अमित देशमुख यांनी दिलं आहे. त्यामुळे राज्यातील वृद्ध कलावंत आणि साहित्यिकांना मोठा दिलासा मिळाला आहे.

(The above story first appeared on LatestLY on Jul 16, 2020 04:53 PM IST. For more news and updates on politics, world, sports, entertainment and lifestyle, log on to our website latestly.com).