'ग्रहणा'वरून राष्ट्रवादी नेते धनंजय मुंडे यांचा पंतप्रधान नरेंद्र मोदी यांना टोला; केलं हे ट्वीट!

सध्या भारत देशामध्ये CAA वरून वातावरण तापलं आहे.सोबत आर्थिक संकट, माहिला सुरक्षा यासारखे प्रश्न असताना दिल्लीमधून उगम पावलेले 'हे' ग्रहण कधी सुटणार असा सवाल विचारत पंतप्रधान नरेंद्र मोदी यांच्यावर राष्ट्रवादीचे नेते धनंजय मुंडे यांनी उपरोधिक टोला लगावला आहे. यासोबतच नरेंद्र मोदी यांचा सूर्यग्रहण पाहतानाचा एक फोटो शेअर केला आहे. आज नरेंद्र मोदी कंकणाकृती सूर्यग्रहणाचं विलोभानीय दृश्य पाहण्यासाठी कोझीकोड येथे पोहचले होते. तेथून त्यांनी काही खास फोटो शेअर केले होते. Surya Grahan 2019: पंतप्रधान नरेंद्र मोदी यांनी कोझीकोड येथून आपल्या खास अंदाजात पाहिले कंकणाकृती सूर्य ग्रहण, पाहा फोटो.

भारतीयांप्रमाणेच आपणही आजचं कंकणाकृती सूर्यग्रहण बघण्यासाठी उत्सुक होतो, पण दुर्दैवानं बघता आले नाही असं ट्वीट करून सांगितलं. सोबत काही फोटो शेअर केले आहेत. दरम्यान यावेळी मोदींनी शेअर केलेला फोटो धनंजय मुंडे यांनी शेअर करत दिल्लीतून उगम पावलेले हे ग्रहण कधी सुटणार? असा सवाल केला आहे.

धनंजय मुंडे यांचं ट्वीट 

आर्थिक डबघाई

बेरोजगारी

महिला सुरक्षा#CAA_NRC साठी सुरु असलेला हिंसाचार

कायदा सुव्यवस्था

दिल्लीतून उगम पावलेले हे ग्रहण कधी सुटणार? #solareclipse2019 pic.twitter.com/uSFPI766YT

— Dhananjay Munde (@dhananjay_munde) December 26, 2019

सध्या नरेंद्र मोदी यांच्यासह देशभरातून भाजपावरही नागरिकत्त्व कायद्यावरून टीका होत आहे. अनेक ठिकाणी आंदोलकांनी रस्त्यावर उतरून नागरिकत्त्व कायद्याविरुद्ध आवाज उठवला आहे.

(The above story first appeared on LatestLY on Dec 26, 2019 01:31 PM IST. For more news and updates on politics, world, sports, entertainment and lifestyle, log on to our website latestly.com).