Raj Thackeray's press Conference: मुख्यमंत्री उद्धव ठाकरे यांच्यासोबत ऑनलाईन संवादानंतर मनसे अध्यक्ष राज ठाकरे यांची आज पत्रकार परिषद
Raj Thackeray | (Photo Credits: Twitter)

महाराष्ट्र नवनिर्माण सेना (Raj Thackeray Press Conference) अध्यक्ष राज ठाकरे (Raj Thackeray) आज (6 मार्च) पत्रकार परिषद घेणार आहेत. आज सकाळी 11 वाजता आयोजित करण्यात आलेल्या पत्रकार परिषदेत राज ठाकरे (Raj Thackeray Press Conference) काय बोलणार, भूमिका जाहीर करणार याबाबत उत्सुकता आहे. मुख्यमंत्री उद्धव ठाकरे (CM Uddhav Thackeray) आणि राज ठाकरे यांच्यात काल (5 मार्च) रात्री चर्चा झाली. या चर्चेनंतर राज ठाकरे आज प्रसारमाध्यमांशी बोलणार आहेत. त्यामळे या पत्रकार परिषदेला विशेष महत्त्व आले आहे. सुरुवातीला मनसेने लॉकडाऊनला तीव्र विरोध केला होता. दरम्यान, मुख्यमंत्र्यांनी विरोधी पक्षांशी चर्चा केली. त्यानंतर विरोधकांचा विरोध काहीसा मावळला होता.

मुख्यमंत्री उद्धव ठाकरे आणि राज ठाकरे यांच्यात सुमारे 20 मिनीटे संवाद झाला. झूम मीटिंगद्वारे झालेल्या या संवादावेळी राज ठाकरे यांचे पूत्र अमित ठाकरे आणि मनसे नेते संदिप देशपांडे हेसुद्धा उपस्थित होते. या संवादावेळीचा एक फोटोही मनसेने आपल्या ट्विटर हँडलवर प्रसिद्ध केला आहे. (हेही वाचा, मुख्यमंत्री Uddhav Thackeray यांचे पंतप्रधान Narendra Modi यांना पत्र; 25 वर्षापुढील सर्वांना कोरोनाची लस देण्याची केली विनंती)

दरम्यान, या चर्चेतील तपशील बाहेर आला नाही. मात्र, राज ठाकरे यांनी कोरोना नियंत्रणाबाबत काही तपशीलवार मुद्दे मांडले. तसेच, राज्य सरकारला काही सल्लावजा सूचनाही केल्याचे समजते. राज ठाकरे हे या बैठकीसाठी मुद्दे घेऊन बसले होते. त्यामुळे काही गंभीर विषयांवरही चर्चा झाल्याचे समजते.

राज्याचे मुख्यमंत्री उद्धव ठाकरे यांनी विरोधकांना साद घालत कोरोना प्रतिबंधांसाठी आवश्यक उपाययोजना करताना सहकार्य करा असे अवाहन केले होते. राज्यात पुन्हा एकदा अंशकालीन लॉकडाऊन लागू करण्यापूर्वी मुख्यमंत्र्यांनी विरोधकांशी चर्चा केली. विरोधकांनी सहकार्याचे अश्वासन दिल्यानंतर मुख्यमंत्र्यांनी लॉकडाऊन जाहीर करण्याबाबत आणि कडक निर्बंध लागू करण्याबाबतचा निर्णय जाहीर केला.