Kopari Bridge: कोपरी पुलाच्या दोन मार्गिकांचे आज एकनाथ शिंदे हस्ते लोकार्पण
ठाणे येथील कोपरी पुलाच्या पहिल्या टप्प्यातील दोन मार्गिकांचे आज अखेर लोकार्पण करण्यात आले. बांधकाम होऊन देखील अनेक महिने या मार्गिकांचे उद्घाटन झाले नव्हते. आज अखेर ठाण्याचे पालकमंत्री एकनाथ शिंदे आणि खासदर राजन शिंदे यांच्या हस्ते उद्घाटन करण्यात आले.
ठाणे (Thane) येथील कोपरी पुलाच्या (Kopari Bridge) पहिल्या टप्प्यातील दोन मार्गिकांचे आज अखेर लोकार्पण करण्यात आले. बांधकाम होऊन देखील अनेक महिने या मार्गिकांचे उद्घाटन झाले नव्हते. आज अखेर ठाण्याचे पालकमंत्री एकनाथ शिंदे (Eknath Shinde) यांच्या हस्ते उद्घाटन करण्यात आले. ठाणे (Thane) आणि मुलुंड (Mulund) या दोन शहरांना जोडणारा हा पूल असून यामुळे शहरांमधील वाहतूक कोंडी कमी होईल. यामुळे नक्कीच नागरिकांना मोठा दिलासा मिळणार आहे.
या उद्घाटन सोहळ्याला एमएमआरडीएचे आयुक्त एस.व्ही.आर. श्रीनिवास, खासदार राजन विचारे, ठाण्याचे महापौर नरेश म्हस्के, आमदार रविंद्र फाटक, आमदार संजय केळकर, माजी खासदार आनंद परांजपे, नगरसेवक आणि शिवसेनेचे पदाधिकारी उपस्थित होते.
एकनाथ शिंदे ट्विट्स:
दोन्ही बाजूच्या प्रत्येकी दोन अशा चार मार्गिका सुरू केल्यानंतर लवकरच मधील चार मार्गिकांचे काम देखील #रेल्वे आणि @MMRDAOfficial च्या माध्यमातून हाती घेण्यात येणार असून वर्षभरात दोन्ही बाजूच्या चार अशा एकूण आठ मार्गिका कार्यान्वित करण्याचे उद्दिष्ट डोळ्यासमोर ठेवण्यात आले आहे. pic.twitter.com/imG0Q4XVoH
— Eknath Shinde - एकनाथ शिंदे (@mieknathshinde) October 9, 2021
यावेळी @MMRDAOfficial आयुक्त एस.व्ही.आर.श्रीनिवास, खासदार @rajanvichare, खासदार @DrSEShinde, ठाण्याचे महापौर @nareshmhaske, आमदार @ravindrasphatak, आमदार संजय केळकर, माजी खासदार आनंद परांजपे, नगरसेवक तसेच नगरसेवक तसेच शिवसेना पदाधिकारी उपस्थित होते.
— Eknath Shinde - एकनाथ शिंदे (@mieknathshinde) October 9, 2021
(हे ही वाचा: Eknath Shinde On Narayan Rane: एकनाथ शिंदे यांनी नारायण राणेंचा 'शिवसेनेत कंटाळल्या'चा दावा फेटाळत दिलं हे स्पष्टीकरण)
या पुलावरील दोन्ही बाजूच्या प्रत्येकी दोन अशा चार मार्गिका सुरू केल्यानंतर लवकरच मधील चार मार्गिकांचे काम देखील रेल्वे आणि एमएमआरडीए हाती घेणार आहे. तसंच हे काम वर्षभरात पूर्ण करुन दोन्ही बाजूच्या चार अशा एकूण आठ मार्गिका कार्यान्वित करण्याचे उद्दीष्ट असल्याचे शिंदे यांनी सांगितले.
(The above story first appeared on LatestLY on Oct 09, 2021 11:48 PM IST. For more news and updates on politics, world, sports, entertainment and lifestyle, log on to our website latestly.com).
